| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Matthias Claudius | * Abendlied | German | Arg-776-394 | 2012-12-24 20:31 Manfred | only this add | |
| Adolf Burkhardt | Vespera kanto | Esperanto | Arg-780-394 | 2007-03-27 19:07 Manfred | only this remove | |
| Joachim Gießner | Vespera kanto | Esperanto | Arg-782-394 | 2007-03-28 09:55 Manfred | only this add | |
| Manfred Retzlaff | Vespera kanto | Esperanto | 1989-09-10 | Arg-777-394 | MR-013-2 | 2007-03-26 13:19 Manfred | only this add |
| Otto Bonte | Vespera kanto | Esperanto | Arg-779-394 | 2007-03-26 22:31 Manfred | only this add | |
| Guido Holz | Vespera kanto | Esperanto | Arg-778-394 | 2007-03-26 12:53 Manfred | only this remove |
Matthias Claudius, | Matthias Claudius, | |
| translated by Adolf Burkhardt | translated by Guido Holz | |
| 1. Leviĝas luno; hele | 1. La luno nun ekhelas, | |
| orpompas surĉiele | Steletoj oraj belas | |
| la steloj al l'okul'. | En la ĉiela klar'; | |
| Arbaro mute revas; | L'arbaro nigra revas, | |
| el la herbej' sin levas | Kaj el herbejo levas | |
| mirinde blanka la nebul' | Mirige sin nebula mar'. | |
| 2. Ripozas mont' kaj valo | 2. Silenta estas mondo | |
| sub la krepusk-vualo | Kaj en krepuska rondo | |
| trankvile kvazaŭ lag'. | Hejmecas kun favor'! | |
| Por vi jen la permeso | Similas kalman ĉelon, | |
| fordormi en forgeso | En kiu vi kverelon | |
| la malbonaĵojn de la tag'. | De l'tago dorme pelu for. | |
| 3. La luno nur duone | 3. Ĉu vi la lunon konas? | |
| Prezentas sin impone; | Aspekto nur duonas, | |
| ĝi tamen estas sfer': | Sed rondas ĝi en bel'. | |
| Facile ni priridas | Do ankaŭ estas multo, | |
| aferon, se ni vidas | Loganta al insulto, | |
| nur parton de la plena ver'. | Okulojn ĝenas la malhel'. | |
| 4. Homidoj ni fieraj | 4. Ni homoj tiel vantaj | |
| pekuloj nur, mizeraj; | Ja estas nur pekantaj, | |
| ne multon scias ni. | Malvasta nia sci'; | |
| Ni teksas iluziojn | Ĥimerojn ni eltrikas, | |
| kaj serĉas multajn sciojn | Ni multe artifikas | |
| kaj devojiĝas pli kaj pli. | Kaj perdas celon pli kaj pli. | |
| 5. Ho Di', nin lasu vidi | 5. Vidigu, Dio, savon, | |
| la Savon, ne plu fidi | Pasem' ne veku ravon, | |
| vantaĵojn de l' pasem'! | Ne ĝoju ni pro glor'! | |
| Nin faru simpl-animaj, | Fariĝu malafektaj | |
| infane Dio-timaj | Ni kaj al vi respektaj, | |
| en ĝoj', jam nun sen zorga trem'! | Infane gaju nia kor'! | |
| 6. Vi fine, sen ĉagreni, | 6. Vi gracu, sen ĉagreni | |
| el mond' nin volu preni | El mondo nin forpreni | |
| per milda morto for. | Al fin' per milda mort'! | |
| Nin tiam al ĉielo | Kaj post forpren' fidele | |
| venigu, al la celo: | Hejmigu nin ĉiele, | |
| Vi, nia Dio kaj Sinjor'! | Sinjoro, Dio, nia fort'! | |
| 7. Gefratoj, nun ekkuŝu! | 7. Kuŝiĝu do kun pio | |
| Vin nokta vent' ne tuŝu, | Vi en la nom' de Dio, | |
| dum ŝirmas anĝelar'. | Jam fridas nokta vent'. | |
| Indulgu, Di', nin grace, | Per punoj, Di', ne ĝenu, | |
| por ke nun dormu pace | Per dolĉa dorm' nin benu, | |
| ni kaj malsana la najbar'. | Najbaron ankaŭ en turment'. | |
| Translation of the German poem "Abendlied" by Matthias Claudius (*1740-08-15 - †1815-01-21) into Esperanto by Adolf Burkhardt (pastro, *1929-04-10 - †2004-04-02). Tiun ĉi tradukon mi, Manfred Retzlaff, prenis el la kant-libreto "Mia kantaro I", dua eldono de Majo 1998, kompilita kaj eldonita de s-ro Josef Schiffer, Wilstorfstr. 58, D-78050 Villingen-Schwenningen, Germanio. Sinjoro Josef Schiffer donis al mi la permeson. | Translation of the German poem "Abendlied" by Matthias Claudius (*1740-08-15 - †1815-01-21) into Esperanto by Guido Holz (*1920 - †1989). Tiu ĉi traduko estas publikigita en 1984 en "Esperanto aktuell", la organo de Germana Esperanto-Asocio, sur la aldonaj "Flavaj paĝoj", sur paĝo 14 de la numero 6/984. Mi, Manfred Retzlaff, detajpis la tradukon el tiu, en 2007-03-26. Enigis la tradukon de Guido Holz la tiama redaktisto d-ro Dirk Willkommen. |