| zum Ausdrucken exportieren: Hochformat (PDF) Querformat (PDF) | [alle Exportformate zeigen] |
| Verfasser [Vorname] | Titel | Sprache | Erscheinung | Kennung | letzte Änderung | Ansicht |
|---|---|---|---|---|---|---|
| Ludwig Emil Meier | Vinkanto de Rejn' | Esperanto | 1907 | Arg-775-393 | 2007-03-25 06:55 Manfred | nur diese entfernen |
| Matthias Claudius | * Rheinweinlied | Deutsch | 1775 | Arg-774-393 | 2014-04-23 09:52 Manfred | nur diese hinzufügen |
Matthias Claudius, |
| übersetzt von Ludwig Emil Meier |
| 1. Ornamu per foliaĵo la pokalon, |
| Trinkmalplenigu ĝin! |
| Eŭropo ne enhavas plue valon |
| Kun same bona vin'! |
| 2. Nek Hungaruj', Polujo ĝin kreskigas, |
| Nek frankolanda ter', |
| Ni ne bezonas tiujn, nin ĝojigas |
| De l'Rejno la vinber'. |
| 3. La patrolando ĝin produktas nia, |
| Pro tio gustas ĝi |
| Dolĉege, sed per forto energia |
| Efikas ĝi en ni. |
| 4. Ne ĉie en germana lando tiu |
| Vinego kreskas, ne! |
| Ekzistas kelka regiono, kiu |
| Ne konas vinon, - ve! |
| 5. Ekzemple, turingia la montaro |
| Produktas beron - ho! |
| Ŝajnvino estas ĝi nur, la barbaro |
| Ĝin kore ĝuu do! |
| 6. Nek en la Erzgebirge ajn troviĝas |
| Bonvino, nur metal' |
| En ĝiaj krudaj montoj produktiĝas |
| Kaj akvo en la val'. |
| 7. Sur Blocksberg, bonkonata sorĉistejo, |
| Nur blovas akra vent', |
| Per ĝi alflugas el la diablejo |
| Megera kontingent'! |
| 8. Ĉe Rejno nur kreskadas vin vino, |
| Benata estu ĝi! |
| Ĉe l'bordoj ĝin ja kreis la destino, |
| Por ke ĝojegu ni! |
| 9. Nu, trinku kaj ĝojadu kun bonkoro, |
| Ho vivu Rejna vin'! |
| Ĝi dum malĝoja iu ajn vivhoro |
| Rekuraĝigu nin! |
| Übersetzung des deutschen Gedichtes "Rheinweinlied" von Matthias Claudius (*1740-08-15 - †1815-01-21) ins Esperanto durch Ludwig Emil Meier (*1847-02-16 - †1919) in 1907. La esperantigon mi trovis en la kant-libreto "Esperantista kantaro", kolekto unua: Germanaj kantoj popolaj kaj studentaj, Esperantigitaj de L. E. Meier, verkisto. La kantlibro estas eldonita en 1907 de la eldonejo Hans Theodor Hoffman, Berlin W 35, Steglitzer Straße 44. |