| zum Ausdrucken exportieren: Hochformat (PDF)
Querformat (PDF)
| [nur Standard-Exportformate zeigen]
weitere Exportformate: einfacher Text LaTeX LaTeX Querformat DVI DVI Querformat Postscript Postscript Querformat | [zum Buch hinzufügen] [Buch löschen] |
| Verfasser [Vorname] | Titel | Sprache | Erscheinung | Kennung | letzte Änderung | Ansicht |
|---|---|---|---|---|---|---|
| Manfred Retzlaff | Libro de la kantoj, Sonĝobildoj VI | Esperanto | 1984 | Arg-1392-690 | MR-125-1 | 2012-12-03 17:19 Manfred | nur diese entfernen |
| Heinrich Heine | * Buch der Lieder, Traumbilder VI | Deutsch | Arg-1391-690 | 2012-12-03 17:19 Manfred | nur diese hinzufügen |
Heinrich Heine, |
| übersetzt von Manfred Retzlaff |
| Dum estis dolĉe mi sonĝanta, |
| Aliris min per fort’ sorĉanta |
| Amata mia karulin’, |
| Per fort’ sorĉanta ravis min. |
| Ĉe la rigard’ de l’ bela bildo |
| Min ravis de l’ rideto mildo, |
| Ŝveliĝis tiam mia kor’, |
| Ke diris mi en la furor’: |
| „Mi donos al vi ĉion mian, |
| Trezoron kaj ŝataĵon ĉian, |
| Se rajtus esti foje mi |
| Ĝis morgaŭ amorant’ de vi.“ |
| Tre strange tiam min almiris |
| La belulino kaj ŝi diris |
| Korvee, milde: „Ho, al mi |
| Beaton vian donu vi!“ |
| „La vivon ĝoje mi lasintus |
| Kaj mian sangon mi donintus |
| Por vi, knabino, vi anĝelo – |
| Sed ne la savon de l’ ĉielo.“ |
| Rapide tiu vort’ eliĝis |
| Kaj bela pli kaj pli fariĝis |
| La in’, ŝi diris: Ho, al mi |
| Beaton vian donu vi! |
| Obtuze muĝas tiu vorto |
| En la orelo kaj per forto |
| Eniĝis la animon ĝi; |
| Apenaŭ povis spiri mi. |
| Kaj luktis kun la ar’ anĝela |
| La aĉa nigrular’ malhela: |
| Subite ĉiuj estis for, |
| disiĝis en nebul-odor’. |
| Mi preskaŭ por ĝojego svenis, |
| Dum en la brakoj mi ŝin tenis, |
| Premetis ŝi al mi sin tre, |
| Sed ploris pro amara ve’. |
| Ŝi ploris, mi komprenis tute |
| Kaj kisis ŝian buŝon mute. – |
| Forkisis ŝiajn larmojn mi, |
| Al mia am’ subiĝis ŝi. |
| Al mia am’ subiĝis ŝi, |
| Sed iĝis mia sang’ glaci’; |
| Ekmuĝis ĉirkaŭ mi la ter’ |
| Malfermis sin vulkan-krater’. |
| El ĝi la nigra ar’ eliĝis |
| Kaj mia karulin’ paliĝis! |
| El mi brak’ foriĝis ŝi, |
| Tutsola restis stari mi. |
| Mirige dancis tiam tie |
| La nigra ar’ ĉirkaŭe ĉie, |
| Kaj altrudiĝas, kaptas min, |
| Mokride, kriĉe turnas sin. |
| La cirklo malvastiĝis pli, |
| Sonadis aĉa melodi’: |
| Doniĝis for la beatec’, |
| Perdiĝis vi en eternec’. |
| Übersetzung des deutschen Gedichtes "Buch der Lieder, Traumbilder VI" von Heinrich Heine (*1797-12-13 - †1856-02-17) ins Esperanto durch Manfred Retzlaff (*1938-11-04) in 1984. |