| zum Ausdrucken exportieren: Hochformat (PDF) Querformat (PDF) | [alle Exportformate zeigen] |
| Verfasser [Vorname] | Titel | Sprache | Erscheinung | Kennung | letzte Änderung | Ansicht |
|---|---|---|---|---|---|---|
| Manfred Retzlaff | Libro de la kantoj, Sonĝobildoj, V | Esperanto | 1984 | Arg-1397-692 | MR-127-1 | 2012-12-04 08:44 Manfred | nur diese entfernen |
| Heinrich Heine | * Buch der Lieder, Traumbilder, V | Deutsch | Arg-1395-692 | 2012-12-03 21:50 Manfred | nur diese hinzufügen |
Heinrich Heine, |
| übersetzt von Manfred Retzlaff |
| Varmega estas mia vango, |
| Ho, kiel bolas mia sango! |
| Ĝi ardas ege pro fervoro, |
| Fortege batas mia koro. |
| Ŝaŭmigas ĝi nun sangon mian, |
| Ĉar sonĝis mi la sonĝon fian; |
| De l' nckt' malhela filo venis, |
| Anhele min kun si fortrenis. |
| Al hela domo mi portiĝis, |
| En kiu ĝu' kaj bru' fariĝis. |
| Mi aŭdis tie harpo-sonon; |
| Kaj mi eniris la salonon. |
| La homoj geedziĝon festis; |
| Kaj gajaj ili ĉiuj estis. |
| Sed la belega fianĉino - |
| Ŝi estis mia karulino. |
| Mi volis plori pro kor-ŝiro, |
| Fianĉo estis fremda viro; |
| Senmove mi staranta restis, |
| Ne diris ion, muta estis. |
| Senvorte mi staranta restis, |
| La fianĉin' feliĉa estis. |
| La ĝojo-bruo min ĉagrenis, |
| La viro ŝian manon prenis. |
| La glason kun la ruĝa vino |
| Transdonis li al mia ino, |
| Tintigis per la sia ŝian - |
| Ho ve! ŝi trinkis sangon mian. |
| Kaj pomon ŝi al la fianco |
| Transdonis, kaj per unu tranĉo |
| Ĝin tranĉis tiu ĉi sinjoro - |
| Ho ve! ĝi estis mia koro. |
| Kaj dolĉe ili okulumas, |
| Kaj la fianĉo ŝin brakumas. |
| Li kisas ŝian buŝon ĉarman, |
| Mort-kison sentas mi malvarman. |
| Varmega estis mia sango, |
| Sed kiel plombo mia lango. |
| Muzik' kaj danco komenciĝis, |
| La gefianĉoj antaŭiĝis. |
| Kaj kiam mi mutadis tie, |
| Dancantoj ĉirkaŭŝvebis ĉie. |
| Kaj la fianĉ' al ŝi kliniĝis. |
| Li diris ion, ŝi ruĝiĝis. |
| Übersetzung des deutschen Gedichtes "Buch der Lieder, Traumbilder, V" von Heinrich Heine (*1797-12-13 - †1856-02-17) ins Esperanto durch Manfred Retzlaff (*1938-11-04) in 1984. |