| zum Ausdrucken exportieren: Hochformat (PDF) Querformat (PDF) | [alle Exportformate zeigen] |
| Verfasser [Vorname] | Titel | Sprache | Erscheinung | Kennung | letzte Änderung | Ansicht |
|---|---|---|---|---|---|---|
| A. Dombrowski | * Nova kanto | Esperanto | Arg-2059-1017 | 2014-05-20 14:51 Manfred | nur diese entfernen |
A. Dombrowski, |
| Ho! eksonu nova kanto |
| Pri la lingvo Esperanto, |
| Pri ligil' internacia, |
| Revo nia, amo nia! |
| Kreitaĵ' la plej mirinda, |
| Vere estas ĝi laŭdinda |
| De verkistoj, de poetoj, |
| En poemoj kaj odetoj, |
| Pli ol tondro de bataloj, |
| Pli ol dolĉaj najtingaloj, |
| Pli ol belaj aktorinoj, |
| Pli ol fajfoj de maŝinoj, |
| Pli ol oro la plej brila, |
| Pli ol gloro senutila, |
| Pli ol ĉiu, pli ol ĉio, |
| Krom la amo kaj la Dio. |
| Dum venonta la centjaro, |
| Sciu esperantistaro, |
| En Eŭropo, Ameriko, |
| En Azio kaj Afriko, |
| Kie ajn vi veturados |
| Esperanton vi trovados, |
| Sur la strato, en vagono, |
| En hotelo, en salono |
| Kaj eĉ en privata domo : |
| Ĝin parolos ĉiu homo : |
| Laboristo, profesoro, |
| Kaj juĝisto, kaj doktoro, |
| Kaj hebreo, kaj kristano, |
| Kaj litovo kaj japano, – |
| Kaj pereos la plendato : |
| « Mi vin ne komprenas, frato ». |
| Por ke venu tiu horo – |
| Kune fratoj, al laboro! |
| Jen per kanto, jen per vorto, |
| Jen agante ĝis la morto, |
| Servu ni al la afero, |
| La plej bela sur la tero, |
| Gardu ĝin de la forgeso |
| Per parolo en la preso; |
| Iru kiel apostoloj |
| Ĝin prediki por popoloj, |
| Kaj eksonu nia voko |
| Sur la ter' en ĉiu loko, |
| En vilaĝoj, en urbetoj, |
| En lernejoj, en gazetoj, |
| Kaj servantajn al la vero |
| Nin fortigu la Espero. |
| Verfasser dieses Esperanto-Gedichtes ist A. Dombrowski. Tiu ĉi kanto-teksto troviĝas en http://edu.i-lo.tarnow.pl/esp/lern/librejo/0012/0008.php kaj http://esperantoilustrita.blogspot. e/2012/10/liro-esperantista-nova-kanto.h ml#!/2012/10/liro-esperantista-nova-kanto.html. Pri la verkinto vidu ankaŭ: http://esperanto.net/literaturo/autor/dambrauskas.html. |