| zum Ausdrucken exportieren: Hochformat (PDF) Querformat (PDF) | [alle Exportformate zeigen] |
| Verfasser [Vorname] | Titel | Sprache | Erscheinung | Kennung | letzte Änderung | Ansicht |
|---|---|---|---|---|---|---|
| Abram Kofman | Iliado | Esperanto | Arg-2293-1136 | 2015-04-26 22:23 Manfred | nur diese hinzufügen | |
| Ὅμηρος | * Ἰλιάδος Αʹ | greka | Arg-2292-1136 | 2015-04-26 22:24 Manfred | nur diese entfernen |
Ὅμηρος, |
| Μῆνιν ἄειδε θεὰ Πηληϊάδεω Ἀχιλῆος |
| οὐλομένην, ἣ μυρί᾿ Ἀχαιοῖς ἄλγε᾿ ἔθηκε, |
| πολλὰς δ᾿ ἰφθίμους ψυχὰς Ἄϊδι προΐαψεν |
| ἡρώων, αὐτοὺς δὲ ἑλώρια τεῦχε κύνεσσιν |
| οἰωνοῖσί τε πᾶσι· Διὸς δ᾿ ἐτελείετο βουλή, |
| ἐξ οὗ δὴ τὰ πρῶτα διαστήτην ἐρίσαντε |
| Ἀτρεΐδης τε ἄναξ ἀνδρῶν καὶ δῖος Ἀχιλλεύς. |
| ίς τ᾿ ἄρ σφωε θεῶν ἔριδι ξυνέηκε μάχεσθαι; |
| Λητοῦς καὶ Διὸς υἱός· ὃ γὰρ βασιλῆϊ χολωθεὶς |
| νοῦσον ἀνὰ στρατὸν ὄρσε κακήν, ὀλέκοντο δὲ λαοί, |
| οὕνεκα τὸν Χρύσην ἠτίμασεν ἀρητῆρα |
| Ἀτρεΐδης· ὃ γὰρ ἦλθε θοὰς ἐπὶ νῆας Ἀχαιῶν |
| λυσόμενός τε θύγατρα φέρων τ᾿ ἀπερείσι᾿ ἄποινα, |
| στέμματ᾿ ἔχων ἐν χερσὶν ἑκηϐόλου Ἀπόλλωνος |
| χρυσέῳ ἀνὰ σκήπτρῳ, καὶ λίσσετο πάντας Ἀχαιούς, |
| Ἀτρεΐδα δὲ μάλιστα δύω, κοσμήτορε λαῶν· |
| "Ἀτρεΐδαι τε καὶ ἄλλοι ἐϋκνήμιδες Ἀχαιοί, |
| ὑμῖν μὲν θεοὶ δοῖεν Ὀλύμπια δώματ᾿ ἔχοντες |
| ἐκπέρσαι Πριάμοιο πόλιν, εὖ δ᾿ οἴκαδ᾿ ἱκέσθαι· |
| παῖδα δ᾿ ἐμοὶ λύσαιτε φίλην, τὰ δ᾿ ἄποινα δέχεσθαι, |
| ἁζόμενοι Διὸς υἱὸν ἑκηϐόλον Ἀπόλλωνα." |
| Ἔνθ᾿ ἄλλοι μὲν πάντες ἐπευφήμησαν Ἀχαιοὶ |
| αἰδεῖσθαί θ᾿ ἱερῆα καὶ ἀγλαὰ δέχθαι ἄποινα· |
| ἀλλ᾿ οὐκ Ἀτρεΐδῃ Ἀγαμέμνονι ἥνδανε θυμῷ, |
| ἀλλὰ κακῶς ἀφίει, κρατερὸν δ᾿ ἐπὶ μῦθον ἔτελλε· |
| "Μή σε, γέρον, κοίλῃσιν ἐγὼ παρὰ νηυσὶ κιχείω |
| ἢ νῦν δηθύνοντ᾿ ἢ ὕστερον αὖτις ἰόντα, |
| μή νύ τοι οὐ χραίσμῃ σκῆπτρον καὶ στέμμα θεοῖο· |
| τὴν δ᾿ ἐγὼ οὐ λύσω· πρίν μιν καὶ γῆρας ἔπεισιν |
| ἡμετέρῳ ἐνὶ οἴκῳ ἐν Ἄργεϊ, τηλόθι πάτρης, [30 |
| Verfasser dieses grekaGedichtes ist Ὅμηρος. Tiu ĉi eposo estas rete legebla en http://www.ae-lib.org.ua/texts-c/homer__iliad__gr.htm#01. |