| zum Ausdrucken exportieren: Hochformat (PDF) Querformat (PDF) | [alle Exportformate zeigen] |
| Verfasser [Vorname] | Titel | Sprache | Erscheinung | Kennung | letzte Änderung | Ansicht |
|---|---|---|---|---|---|---|
| Heinrich Heine | * Buch der Lieder, Traumbilder VIII | Deutsch | Arg-1401-696 | 2012-12-05 16:24 Manfred | nur diese hinzufügen | |
| Manfred Retzlaff | Libro de la kantoj, Sonĝobildoj, VIII | Esperanto | Arg-1402-696 | 2012-12-05 16:58 Manfred | nur diese entfernen |
Heinrich Heine, |
| übersetzt von Manfred Retzlaff |
| Mi venas de mia sinjorin', |
| Meznokta timemo plupelas min. |
| Kaj kiam tombejon mi preteras, |
| Trankvil-serioze ĝi min altiras. |
| Albrilas de l' tombo-ŝton' al mi |
| Tremante de l' plena lun' radi'; |
| Ĝi lispas de l' tombo de l' muzikulo, |
| Eliĝas el ĝi kiel pala nebulo. |
| Sidigis sin sur la ŝtonon nun |
| La muzikul' en la bril' de l' lun'. |
| La kordojn de l' citro li akordigas, |
| Kantante li voĉon kavecan aŭdigaa. |
| Ĉu ĝin ankoraŭ konas vi, |
| La kanton, kiun kantis ni |
| En la minora gamo? |
| Ĝojego ĝin nomas la anĝelar', |
| Penego ĝi nomas la diablar', |
| La homoj ĝin nomas amo! |
| Apenaŭ fin-sonis la melodi', |
| Malfermis sin tomboj ĉie ĉi. |
| Aeraj figuroj nun supeniĝadas, |
| Ĉirkaŭas la ulon kaj ĥore griĉadas: |
| Amo, amo - tiu vort', |
| Ĝi signifis por ni mort'. |
| Ja grandegas ĝia forto, |
| Kompatindas nia sorto. |
| Konfuze ĝi hurlas tie ĉi, |
| Ĝemegas kaj gratas kaj bruas ĝi. |
| La frenezular' ĉirkaŭvagas malsaĝe |
| La muzikulon ludantan sovaĝe. |
| Brave, brave! Kun furor' |
| Mi ordonis |
| Kaj eksonis |
| De l' sorĉvorto la sonor'. |
| Multajn jarojn tie ĉi, |
| En ĉambret' sen lumradi', |
| En trankvilo kuŝas mi; |
| Sed hodiaŭ gaju ni! |
| Kun favor' - |
| Vive estis ni stultuloj, |
| Malraciaj subiĝuloj |
| De freneza am-furor'. |
| Nun neniu el ni hontu, |
| Malenue vi rakontu, |
| Kio alvenigis vin; |
| Kiel pele |
| Kaj anhele |
| Ŝtreĉis nin la ĉas' de l' in'. |
| Kaj el tiu cirklo elsaltas nun dume |
| Malpeza magrulo kantante zume: |
| Mi estis iam tajlor' |
| Kun pinglo kaj kun tondil', |
| Rapida ĉe la labor', |
| Kun pinglo kaj kun tondil'. |
| Sed venis de l' majstro filin' |
| Kun pinglo kaj tondil', |
| Kaj koren ŝi pikis min, |
| Kun pinglo kaj kun tondil'. |
| Ekridis tre gaje la demonar', |
| Alia altretis al la ar': |
| La Rinaldon Rinaldinon, |
| Fijohanon, Orlandinon, |
| La plej fian malnoblulon |
| Mi rigardis modelulon. |
| Enamiĝis kun honoroj |
| Mi samkiel ĉi sinjoroj. |
| Kaj plej bela sinjorin' |
| Preskaŭ frenezigis min. |
| Pro amoro mi ĝemegis, |
| Kiam am' min konfuzegis, |
| Mi ne povis teni min, |
| Iris al la najbarin'. |
| Policistoj ne komprenis, |
| Ke mi sole tien venis, |
| Ke allogis min amor', |
| Ne la mono de l' sinjor'. |
| Senkompataj ili estis |
| Kaj perforte min arestis. |
| La punej' akceptis min |
| Kiel la patrina sin'. |
| Kaj pri amo meditante |
| Ŝidia tie mi ŝpinante, |
| Ĝis forportis je la fin' |
| Iam la diablo min. |
| Ekridis tre gaje la demonar' |
| Kaj tria nun venis al la ar'. |
| Mi estis konata aktoro, |
| La inojn amadis mi tre; |
| Mi ludis kun ega fervoro, |
| Spir-ĝemis multfoje: ho ve!. |
| Plej bone mi ludis amadon; |
| Mariino tre plaĉis al mi; |
| Sed spite naturan gestadon |
| Ne volis komprenis min ŝi. |
| Sed kiam mi malespere |
| Elvokis: Vi sanktulin'! |
| Ponardeon mi prenis danĝere, |
| Tre forte mi pikis min. |
| Ekridis tre gaje la demonar', |
| Kaj kvara nun venis al la ar'. |
| Babile instruis la profesoro |
| Kaj lia babilo dormigis min; |
| Sed sole sopiris ja mia koro |
| Al lis belega kaj dolĉa filin'. |
| Ŝi ofte tre milde al mi kliniĝis, |
| La floro de l' floroj, ho mia okul'! |
| Sed tiu floro ja jam plukiĝis, |
| De aĉa filistro, de riĉul'. |
| Kaj tiam mi ĉiujn virinojn malbenis, |
| Plenverŝis al mi la pokalon kun vin', |
| Per herbo-diablo min ĝin venenis, |
| Kaj el la mondaĉ' mi retiris min.1) |
| Tre gaje ekridis la demonar', |
| Kaj kvina alpaŝis al la ar'. |
| La grafo tre pompis kaj gloris sin |
| Per siaj juveloj kaj sia filin'; |
| Sed liajn juvelojn ne volis mi, |
| La bela filino allogis min pli. |
| Gardata estis per servistar' |
| La filineto kaj la juvelar'; |
| Sed tio ĉi tute ne ĝenis min, |
| Eskale mi volis viziti ŝin. |
| Kaj kiam mi estis jam ĉe mia cel', |
| Aperis sub mi la sinjor' de l' kastel'. |
| "Pardonu, ĉu povas mi helpi vin?" |
| Sarkasme li alparolis min. |
| La grafo primokis kaj kaptis min, |
| Kaj la servistar' amuzegis sin. |
| "Mi volis nur al mia karulin'", |
| Mi diris, sed tiuj ne kredis min. |
| Kaj kiam la suno levis sin, |
| Ĝi miris, kiam ĝi vidis min. |
| Ĝi vidis min pendi en trankvil' |
| Ĉe la kastelo sub pendumil'. |
| Kaj gaje ekridis la demonar', |
| Kaj sesa ekpaŝis al la ar'. |
| Al ĉaso min pelis am-maltrankvil', |
| Mi ĉirkaŭvagis kun la pafil'. |
| Tre kave grataĉi de l' arbo ĝi: |
| Deiĝu la kap' diris korvo al mi.2) |
| "Se estus nur ie kolombet', |
| Mi portus ĝin al la karulinet'" |
| Tiele mi pensis kaj mia okul' |
| Ĉirkaŭe rigardis en ĉiu angul'. |
| Sed kiuj bekumas nun tie ĉi, |
| Ĉu estas paret' de kolomboj gi? |
| Miregis mi kun la streĉita ĉan', |
| Sed kiun mi trovis en forsta kaban'? |
| Kun fremda vir' mia karulin' |
| Kunestis kaj tiu ĉi kisis ŝin. |
| Kaj pafmortigis mi tiu ĉi, |
| Ke kuŝis en sia sango li. |
| Arestis mi ekzekutista ar', |
| kondukis min poste tra la arbar'. |
| De arbo la korvo kun raŭka kri' |
| Grakadis: "Detranĉu la kapon de li!" |
| Kaj gaje ekridis la demonar', |
| Elpaŝis la violonist' el la ar'. |
| Kanteton mi estas kantinta, |
| De l' kantoj nun estas la fin'. |
| Se l' kor' estas rompiĝinta, |
| La kantoj retiras sin. |
| Pliiĝis la freneza ridad', |
| Turniĝis la pala ular' kiel rad', |
| Batsonis de l' tur' la unua hor', |
| Kaj tuj la demonar' estis for.3) |
| Übersetzung des deutschen Gedichtes "Buch der Lieder, Traumbilder VIII" von Heinrich Heine (*1797-12-13 - †1856-02-17) ins Esperanto durch Manfred Retzlaff (*1938-11-04). |
| 1) aŭ:\\Tiele de l' mond' mi retiris min. |
| 2) aŭ:\\Sen kap'! Sen kap'! diris korvo al mi. |
| 3) aŭ:\\Freneze ridadis la demonar'\\Kaj cirkle ŝvebadis la tuta ar';\\Sed tuj je la bat' de l' unua hor'\\Ĝi tomben refalis kaj estis for. |