| zum Ausdrucken exportieren: Hochformat (PDF) Querformat (PDF) | [alle Exportformate zeigen] |
| Verfasser [Vorname] | Titel | Sprache | Erscheinung | Kennung | letzte Änderung | Ansicht |
|---|---|---|---|---|---|---|
| Johann Wolfgang von Goethe | * Osterspaziergang | Deutsch | Arg-1642-819 | MR-483-01 | 2013-02-05 10:24 Manfred | nur diese hinzufügen | |
| Georg Schmidt | Paska promeno | Esperanto | Arg-1643-819 | 2013-02-05 10:42 Manfred | nur diese entfernen |
Johann Wolfgang von Goethe, |
| übersetzt von Georg Schmidt |
| Glaciolibere riveroj nun estas |
| per printempa viviga ĉarm-atmosfer': |
| en valo verdiĝas feliĉo-esper'; |
| vintro retiris sin kaj kaŝrestas |
| malforte en kruda monto-aer'. |
| De tie ĝi sendas, fuĝante, per |
| la vent' senpotence grajnforman glacion |
| en strioj al verdiĝanta ter'; |
| sed sun' ne toleras blankan ion. |
| Ĉie ekmovo por streĉi, formigi, |
| ĉion volas koloroj vivigi; |
| Floroj en kamp' ne jam montras sin, |
| belvesta homar' anstataŭas ilin. |
| Turnu vin, por de sur ĉi tiu altaĵo |
| revidi al la urba tutaĵo. |
| El pordo malhela, mur-elbora. |
| penetras amaso multkolora. |
| Ĉiujn ĝojigas la suna or': |
| Ili festas viviĝon de l' Sinjor', |
| ili mem ja viviĝis el penoj, |
| el malaltaj domoj, loĝejoj malbonaj, |
| el metiaj kaj oficaj katenoj, |
| el prem' de tegmentoj altfrontonaj, |
| el premega malvasto de la stratetoj, |
| el honorinda nokt' de l' preĝejo |
| ĉiuj troviĝas en plenlumejo. |
| Kiel rapide tra ĝardenetoj |
| kaj kamp' la homaro sin dividas. |
| kaj sur river', en longo kaj larĝo. |
| multajn gajajn boatojn vi vidas; |
| la lasta ŝipo, sub troa ŝarĝo |
| dronante preskaŭ, nun glitas for. |
| El monta eĉ krutvoja mallarĝo |
| briletas belvesta multkolor'. |
| Jam bruas homa multparolo, |
| jen estas ĉielo por popolo, |
| kontenton resonas ĝojega kri': |
| Tie ĉi hom' povas esti mi! |
| Übersetzung des deutschen Gedichtes "Osterspaziergang" von Johann Wolfgang von Goethe (*1749-08-28 - †1832-03-22) ins Esperanto durch Georg Schmidt. La traduko troviĝas en la revuo „Heroldo de Esperanto“, n-ro 13 (770), dekkvina jarkolekto, eldonaĵo de l’ 1-a de aprilo 1934. [Redaktoroj: Teo Jung kaj Joseph Ferdinand Berger]. Mi, Manfred Retzlaff, kopiis tiun ĉi tradukon el la retejo http://www.literaturo.dk/novaj.htm, kiun verkis s-ro Lars Kromann, Danio. |