| zum Ausdrucken exportieren: Hochformat (PDF) Querformat (PDF) | [alle Exportformate zeigen] |
| Verfasser [Vorname] | Titel | Sprache | Erscheinung | Kennung | letzte Änderung | Ansicht |
|---|---|---|---|---|---|---|
| Manfred Retzlaff | Eksteren iru, mia kor' | Esperanto | 1983-09-09 | Arg-1779-894 | 2013-05-26 09:45 Manfred | nur diese entfernen |
| Paul Gerhardt | * Geh aus, mein Herz | Deutsch | 1653 | Arg-1778-894 | 2013-05-26 09:39 Manfred | nur diese hinzufügen |
Paul Gerhardt, |
| übersetzt von Manfred Retzlaff |
| 1. Eksteren iru, mia kor' |
| kaj vidu, kiel la Sinjor' |
| vin estas regalinta. |
| Rigardu la ĝardenon vi |
| kaj vidu, kiel bele ĝi |
| sin estas ornaminta. |
| 2. La arboj plenas de frondar', |
| sin kovras ankaŭ la kampar' |
| per bela, verda vesto. |
| Narciso, rozo kaj lili' |
| pli belas ja, eĉ multe pli1) |
| ol ĉiu rob' de festo. |
| 3. En la aeron svingas sin |
| alaŭdo kaj el la ravin' |
| kolombo al la nesto. |
| La talentita najtingal' |
| belege kentas en la val', |
| ĝi estas ĉarma besto. |
| 4. Konstruas neston cikoni', |
| kaj la kokino, estas ĝi |
| kun la idar' survoje. |
| La kapreolo el la alt', |
| la cervo kun rapida salt' |
| malsupren venas ĝoje. |
| 5. Rivero fluas tra la land', |
| ornamas sin ĉe sia rand' |
| per ombro-riĉaj plantoj. |
| Dometoj staras apud ĝi,2) |
| aŭdeblas kelka ĝoja kri' |
| kaj kelkaj belaj kantoj. |
| 6. La laborema abelar' |
| negoce flugas tra l' herbar', |
| serĉadas la mielon. |
| La forta suk' de l' vinberuj' |
| fortigas la branĉaron tuj, |
| plenigas ĉiun ĉelon. |
| 7. Tritiko kreskas sur kampar', |
| pri tio ĝojas la homar' |
| kaj laŭdas la bonecon |
| de tiu, kiu per donac' |
| regalas ĉiam nin sen lac' |
| kaj kreis ĉi riĉecon. |
| 8. Mi mem ripozi povas ne, |
| la granda far' de Dio tre |
| vigligas miajn sensojn. |
| Kunkantas mi kun la natur' |
| kaj lasas el la koro nur |
| elflui miajn pensojn. |
| 9. Aĥ, - pensas mi - se estas nun |
| tiele bele sub la sun', |
| sur tiu ter' mizera, |
| kiele estos ĝi ĉe vi, |
| en la ĉiel', ho kara Di', |
| en la transej' mistera! |
| 10 Ho, kia ĝoj' kaj luma hel' |
| estados ja en la ĉiel'! |
| Kaj kiel ĝi sonados, |
| se la multnombra anĝelar' |
| per laŭta voĉ' laŭ la psalmar' |
| kantados kaj laŭdados! |
| 11. Se estus mi, se starus mi, |
| ho dolĉa Dio, jam ĉe Vi, |
| mi portus palm-foliojn, |
| honoron donus mi al vi, |
| kun la anĝeloj kantus mi |
| plej belajn melodiojn. |
| 12. Ser ĉar ankoraŭ tie ĉi |
| en korpa jugo estas mi, |
| mi tamen ne silentu. |
| Kaj mia koro laŭdu Vin, |
| neniam mi forgesu ĝin, |
| mi ĉiam ĝin atentu. |
| 13. Min helpu kaj min benu Vi |
| per Via graco, kara Di', |
| por ke mi ekburĝonu. |
| Kaj faru, ke per Via grac' |
| mi kredu vere kaj sen lac' |
| de l' kredo fruktojn donu. |
| 14. Ho faru, mia kara Di', |
| ke funde la spirit' de Vi |
| en mi enradikiĝu. |
| Kaj faru, ke je Via glor' |
| en Via ĝardenego flor' |
| por ĉiam mi fariĝu. |
| 15. Elektu min por la ĝarden' |
| de l' paradizo kaj de l' ben' |
| je mia lasta horo! |
| Mi volas servi tie ĉi, |
| kaj post la vivo nur al Vi, |
| eterne, ho Sinjoro! |
| Übersetzung des deutschen Gedichtes "Geh aus, mein Herz" von Paul Gerhardt (*1607-03-12 - †1676-05-27) ins Esperanto durch Manfred Retzlaff (*1938-11-04) in 1983-09-09. Pri la poeto Paul Gerhardt vidu la vikipediejon http://de.wikipedia.org/wiki/Paul_Gerhardt. La melodio estas aŭdebla en http://www.youtube.com/watch?v=Znb72JO2-oM. |
| 1) aŭ.\\pli bele vestas sin, eĉ pli\\ol Salomon' por festo |
| 2) aŭ:\\Herbejoj kuŝas apud ĝi, |