| zum Ausdrucken exportieren: Hochformat (PDF) Querformat (PDF) | [alle Exportformate zeigen] |
| Verfasser [Vorname] | Titel | Sprache | Erscheinung | Kennung | letzte Änderung | Ansicht |
|---|---|---|---|---|---|---|
| N. N. 73 | * Die Frau ohne Beruf | Deutsch | Arg-1887-939 | 2013-11-28 15:13 Manfred | nur diese hinzufügen | |
| Joachim Gießner | La virino sen profesio | Deutsch | Arg-1888-939 | 2013-11-28 15:22 Manfred | nur diese entfernen |
N. N. 73, |
| übersetzt von Joachim Gießner |
| "Sen iu profesio', eldiras la pasporto. |
| Ĉu povas esti vere? Al mi ja mankas vorto. |
| Kaj fakte jen mi legas: "Sen iu profesio. |
| "Sed male, evidente utilas ŝi por ĉio. |
| Cerbumi nur kaj zorgi, labori por aliaj |
| ja estas profesio. Per pensoj, manoj siaj |
| matene ŝi komencas ĝis longe en la nokto, |
| por l'bono de la siaj. Ŝin ne kontrolas vokto. |
| Edzin', patrin', mastrino en familia domo |
| inkludas profesiojn sennombrajn de la homo. |
| Ŝi klare kompetentas tagtage por manĝaĵoj. |
| Pakisto ŝi fariĝas por famili-vojaĝoj. |
| Kirurgo, se en fingro pikiĝas dorn-doloro, |
| juĝisto en kvereloj kaj pro amara ploro. |
| Ŝi novtinkturas robojn, mantelojn eluzitajn, |
| genie ŝi financas monujojn tro streĉitajn. |
| Vivanta leksikono por ĉio en la mondo |
| kaj flikas la tolaĵon por ĉiu en la rondo. |
| Fabelojn ŝi rakontas, sen nur fariĝi laca, |
| kaj daŭre priatentas, ke l'domo estas paca. |
| Kuracas pupojn, estas eĉ dekoraciisto, |
| prizorgas la ĝardenon, kaj estas jen frizisto. |
| Nun tamen la presiston mi ne pli longe plagas, |
| ĉar multajn profesiojn ankoraŭ mi imagas |
| de inoj, kiujn kreis por l'ben' de l'homoj Dio. |
| Sed diras la pasporto: "Sen iu profesio". |
| Übersetzung des deutschen Gedichtes "Die Frau ohne Beruf" von N. N. 73 ins Deutsche durch Joachim Gießner (*1913-12-23 - †2003-11-25). Pri la tradukinto Joachim Gießner troviĝas informoj en la vikipedia paĝo http://eo.wikipedia.org/wiki/Joachim_Giessner. |