| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Heinrich Heine | * Belsazar | German | Arg-407-205 | 2004-03-06 17:43 Manfred | only this add | |
| Richard Schulz | Belŝacaro | Esperanto | Arg-409-205 | 2013-02-26 15:10 Manfred | only this remove | |
| Manfredo Ratislavo | Belŝacar’ | Esperanto | 1984-03-30 | Arg-408-205 | MR-109-2 | 2004-03-10 11:49 mgr | only this add |
Heinrich Heine, |
| translated by Richard Schulz |
| Jam pasis de la nokt' duon'. |
| Trankvile kuŝis Babilon'. |
| Nur supre en la reĝkastel' |
| Fenestrojn traflagras torĉa hel'. |
| Reĝ' Belŝacar' de Babilon' |
| Festenis en la festsalon'. |
| Tumultis laŭte de l' reg' sekvantar'. |
| Tintigis pokalojn barbar' kun barbar'. |
| La reĝo aŭskultis obstine kun ĝu' |
| La virojn jubili, pliiĝon de l' bru'. |
| Ekardas tre la reĝa vang'. |
| Riskemas tre la reĝa lang'. |
| Kaj senpripense pekas li |
| Kaj blasfemas terure, spitante al Di'. |
| Kaj paradas sen hont' kaj kun defi'. |
| Aplaŭdas tre la koteri'. |
| Orgojle sonas de l' reĝ' ordon'. |
| Jam hastas kaj revenas peon'. |
| Surkape pezas la ora vazar', |
| El templo Javea la rab-akapar'. |
| Kaj ekprenis la reĝ' per krima man' |
| La plej sanktan pokalon kun fia rikan'. |
| Kaj li malplenigas ĝin ĝis la fund', |
| Kriaĉas el malvirta abund': |
| "Javeo, mi mokas pri via kron' - |
| Mi estas reĝo de Babilon'!" |
| Apenaŭ sonis for la vort', |
| La reĝon ekkaptis la tim' de l' mort'. |
| La akra ridado formortis je l' hor'. |
| Silentis tuj la vira ĥor'. |
| Jen vidu! el la blanka mur' |
| Aperis homa mankontur'. |
| Kaj skribis, skribis sur la mur' |
| Kaj ree foriĝis post flamgravur'. |
| Jen ankaŭ for regal-plezur'. |
| Rigide rigardis la reĝ' pro terur'. |
| La viroj sidis mutaj pro tim'. |
| Horor' sentiĝis en ĉies anim'. |
| Eĉ magoj ne sciis laŭ rita mezur' |
| Klarigi la flamskribaĵon de l' mur'. |
| En tiu ĉi nokt', de la servistaĉar' |
| Murdata estis Belŝacar'. |
| Translation of the German poem "Belsazar" by Heinrich Heine (*1797-12-13 - †1856-02-17) into Esperanto by Richard Schulz (Rikardo Ŝulco, *1906-07-12 - †1997-09-26). Tiu traduko aperis en 1984 en la n-ro 61, 1984/7 de la "Vestfaliaj Flugfolioj", kiun Richard Schulz, kiu nomis sin Rikardo Ŝulco, eldonis mem. Li indikis kiel aŭtoron de la germana-lingva originalo: Henriko Hajno. Tiu estas la germana poeto Heinrich Heine. Pri Richard Schulz vidu la vikipedian retejon http://de.wikipedia.org/wiki/Richard_Schulz. |