| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Ferdinand Pfeil | Nun Majo alvenis | Esperanto | Arg-465-235 | 2004-04-27 10:37 Manfred | only this add | |
| Ludwig Emil Meier | Migrado | Esperanto | Arg-466-235 | 2006-05-07 20:51 Manfred | only this remove | |
| Emanuel Geibel | * Der Mai ist gekommen | German | 1841 | Arg-464-235 | 2010-05-01 22:42 Manfred | only this add |
Emanuel Geibel, |
| translated by Ludwig Emil Meier |
| 1. Nun Majo alvenis, |
| Burĝonas la arbar', |
| Do restu en hejmo, |
| Filistra homar'! |
| La nuboj ĉe ĉielo |
| Migradas jam for, |
| Laŭ ili nun fortiras |
| Min la migrama kor'. |
| 2. Nu, patro, patrino, |
| Adiaŭ nun al vi, |
| Feliĉon ekstere |
| Serĉadas nun mi, |
| Ja, multe da vojoj |
| Ne vidis mi jam |
| Kaj multe da bonvino |
| Nur konas mi laŭ fam'. |
| 3. Antaŭen, antaŭen |
| Dum hela sunradi', |
| Trans montoj, trans valoj |
| Kun vigla energi'! |
| La fontoj murmuras, |
| Bruigas arbojn vent', |
| La koro kun alaŭdo |
| Kunkantas pro kontent'. |
| 4. Vespere en urbeto |
| Gastigos min trinkej': |
| "Ho, mastro, nur vinon, |
| Sed de bongusta plej!" |
| "Ekprenu gitaron, |
| Gajega muzikant'!" |
| "Prikantos mi knabinon, |
| De kiu mi amant'." |
| 5. Se mankos restejo |
| Kun noktripoz' kaj vin', |
| Sub ĉielo mi kuŝos,1) |
| La steloj gardos min, |
| Bruanta tilio |
| Lulados al dormad', |
| La matenruĝo vekos2) |
| Denove al migrad'! |
| 6. Migrado, migrado |
| Libera ĝojo vi, |
| En brust' freŝe blovas |
| La spiro de Di', |
| La koro ĝojegas |
| Por la ĉirkaŭa rond', |
| Ke vi do estas bela, |
| Ho, vasta, vasta mond'! |
| Translation of the German poem "Der Mai ist gekommen" by Emanuel Geibel into Esperanto by Ludwig Emil Meier (*1847-02-16 - †1919). Tiun ĉi tradukon mi, Manfred Retzlaff, prenis el la libro "Esperantista Kantaro", Kolekto unua: Germanaj kantoj popolaj kaj studentaj, Esperantigitaj de L. E. Meier, eldonita en 1907 de Hans Theodor Hoffmann, Berlin W. 35, Steglitzer Str. 44. |
| 1) Rimarkigo de Manfred Retzlaff: En la "Esperantista Kantaro", el kiu mi la tekston detajpis. la linio tekstis: Sub ĉielo min kuŝos. Sed tio verŝajne estas pres-eraro. |
| 2) Ŝanĝpropono de Manfred Retzlaff: La matenruĝ' min vekos |