| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Emil Rittershaus | * Westfalenlied | German | 1868 | Arg-663-329 | 2012-11-30 09:42 Manfred | only this add |
| Manfred Retzlaff | Vestfalio-kanto | Esperanto | 2005-10 | Arg-664-329 | 2012-11-30 09:40 Manfred | only this remove |
| Friedrich Pillath | Vestfalia kanto | Esperanto | 1920 | Arg-848-329 | 2010-05-26 15:52 Manfred | only this add |
Emil Rittershaus, |
| translated by Manfred Retzlaff |
| 1. Vi gloru Rejnon, la fieran, |
| Jen en la lando de la vin'; |
| Min, kie oni ercon feran |
| Elfosas, lulis la patrin'. |
| Surmonte staras abiar', |
| Travale iras bovo-ar', |
| Kaj staras kiel gard-starant' |
| Kverk-arbo ĉe la korto-rand'. |
| Jen en lulilo kuŝis mi. |
| Salutas mi vin, Vestfali'! |
| 2. Ni ne parolas kun vi flate, |
| ne uzas dolĉajn vortojn ni, |
| ni ne salutas vin tuj frate, |
| frat-kison donas ne al vi. |
| Bonvena estas vi nur, se |
| atentas vi la ŝajnon ne. |
| Rigardu rekte al la kor'! |
| Rekteca estas nia mor'. |
| Interesiĝas ni ne pri |
| malvaloraĵ' en Vestfali'! |
| 3.Kaj niaj inoj kaj knabinoj, |
| Ne amas ili por plezur’, |
| La ĉarmaj amo-ŝpinistinoj, |
| Pro ŝerca amorado nur! |
| Anĝelo pia gardas, ke |
| Malfideliĝu ili ne.1) |
| En ĝoj’ fidela kaj dolor’ |
| Ĝis morto restas kara kor’. |
| Beata estas vi, se vin |
| Brakumas Vestfalia in’. |
| 4. Vin gardu Dio, tero mia, |
| Vi lando de l’ hero’ Armin’! |
| Ĝis kuŝos mi en tombo ia, |
| Adoros mia koro vin.2) |
| Ho, kara lando Vestfali’, |
| Fortega lando estas vi, |
| Mortante, vin en lasta hor’ |
| Ankoraŭ benos mia kor’! |
| Land’ inter Rejno kaj Vezer’, |
| Salutas mi vin kun sincer’! |
| Translation of the German poem "Westfalenlied" by Emil Rittershaus (*1834-04-03 - †1897-03-08) into Esperanto by Manfred Retzlaff (*1938-11-04) on 2005-10. Pri la verkinto Emil Rittershaus troviĝas informoj en la interreto sub http://www.westfalenlied.de/westfalenlied3/lied.htm. |
| 1) aŭ: De l’ rekta voj’ foriru ne.\\ aŭ: Survoje ili falu ne. |
| 2) Pensad' pri vi ĝojigos min. |