| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Manfred Retzlaff | La dentkuracisto | Esperanto | Arg-1012-513 | 2010-02-19 09:52 Manfred | only this remove | |
| Eugen Roth | * Der Zahnarzt | German | Arg-1008-513 | 2010-02-18 14:46 Manfred | only this add |
Eugen Roth, |
| translated by Manfred Retzlaff |
| Ne ĉiuj molaj seĝoj estas |
| sidejoj plaĉaj, kie restas |
| volonte ni; precipe tiuj |
| konataj seĝoj, antaŭ kiuj |
| la dento-kuracist’ praktikas |
| kaj sian arton artifikas. |
| Ridete diras li sen koro: |
| ‚Ja estos preskaŭ sen doloro!’ |
| Sed, bedaŭrinde, sub la plombo |
| puŝiĝas li al katakombo. |
| Per la hoketo en la fundo |
| laboras li en la dent-grundo.1) |
| Kaj per borilo li sen ĝeno |
| penetras ĝis la nerv-fadeno. |
| Nun montru, hom’, anim-grandecon! |
| Ĉar li kontrolas la taŭgecon |
| de l’ pinglo, kiun li nun prenas |
| por pruvi, ke doloro-plenas |
| interne vi; sed vi ekstere |
| restadu firma, kvazaŭ fere. |
| Se ambaŭ vi nun pruvis tion, |
| ekfermas la dentisto ĉion. |
| Nun kronas sian verkon li |
| per or’, rekonsoliĝas ni |
| kaj montras niajn dentojn ree |
| kun larm’ ankoraŭ, sed senvee. |
| Fanfaronul’ silentas pri |
| la timo, kiun sentis li. |
| Translation of the German poem "Der Zahnarzt" by Eugen Roth (*1895-01-24 - †1976-04-28) into Esperanto by Manfred Retzlaff (*1938-11-04). |
| 1) aŭ:\\Kontrolas li la dentan fundon\\eĉ atingante ties grundon. |