| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Rabindranath Tagor | The young prince | English | Arg-1700-844 | 2013-02-26 23:27 Manfred | only this add | |
| Rabindranath Tagor | * Shubhokkan | bengala | Arg-1699-844 | 2013-02-26 23:16 Manfred | only this add | |
| Kálmán Kalocsay | La juna princo | Esperanto | Arg-1701-844 | 2013-02-26 23:23 Manfred | only this remove |
Rabindranath Tagor, |
| translated by Kálmán Kalocsay |
| Ho patrin', la juna princo iros preter ni solene. |
| Kiel povu mi atenti pri laboro ĉi matene? |
| Montru, ke mi harojn miajn kiel ligu, kiel plektu, |
| Ho patrino, diru al mi, kiun veston mi elektu? |
| Vi rigardas mire, panjo? Scias mi, ke li ne sendos |
| Eĉ rigardon al fenestro, kie je li mi atendos. |
| Post momento li forpasos, iros vojon senrevenan, |
| Nur la flut' el malproksimo sendos al mi ĝemon svenan. |
| Sed la juna princo iros preter nia dom' solene, |
| Tial prenos mi la veston plej ornaman ĉi matene. |
| Ho patrin', la juna princo iris preter ni kun brilo. |
| Leviĝanta sumo brilis de sur lia veturilo. |
| Kaj vualon mi forŝovis, ŝire mi de l` kol' malligis |
| Ruben-ĉenon mian, kaj sur lian vojon ĝin faligis. |
| Vi rigardas mire, panjo? Scias mi: li ĝin ne levis, |
| Restis sanga gut' sur vojo, kie ĝi sub rado krevis. |
| Kaj neniu ja konjektas, kaj neniu ja eksciu, |
| Kio estis la donaco, kaj de kiu, kaj por kiu. |
| Sed la juna princo iris preter nia dom' ĉi fojon, |
| Kaj juvelon de la brusto ĵetis mi sur lian vojon. |
| Translation of the bengala poem "Shubhokkan" by Rabindranath Tagor (*1861-05-07 - †1941-08-07) into Esperanto by Kálmán Kalocsay (Kalmano Kaloĉajo, *1911 - †1976). Pri la tradukinto vidu la vikipediejon http://eo.wikipedia.org/wiki/Kálmán_Kalocsay. |