| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Augustin Wibbelt | * Die Lippe wandelt sacht mit leiser Welle | German | Arg-1157-573 | 2012-07-19 18:45 Manfred | only this add | |
| Manfred Retzlaff | La Lipo fluas lante | Esperanto | 2010-10-28 | Arg-1196-573 | MR-497-1 | 2012-08-24 23:20 mgr | only this remove |
Augustin Wibbelt, |
| translated by Manfred Retzlaff |
| La Lip' mallaŭte tra herbejoj fluas, |
| Preĝeja turo alte levas sin: |
| Hercfeld' kun tombo tie ĉi situas |
| De milda reĝ-devena sinjorin'. |
| La propran ĉerkon ĉiam ŝi plenigis |
| Per donoj ĝis la rando tie ĉi. |
| Almozpetantojn ĉiujn ŝi satigis, |
| Volonte ĉiam estis preta ŝi. |
| Konsekris ŝi la ĉerkon per donaco |
| Kaj pie kovris ŝi per tio sin, |
| Ekdormis ŝi en la Sinjor'. Ho, graco! |
| Ripozas dolĉe ŝi. Ho, kia fin'! |
| Ankoraŭ post la mort' per dono pia |
| Mizeron de l' popol' mildigis ŝi. |
| Mirakloj floris super tombo ŝia; |
| Ĉar ol la mort' la amo estas forta pli. |
| Forpasis ekde tiam mil-cent jaroj, |
| Jam ne ekzistas plu la pra-arbar', |
| Ekbrilas ĉie ore la spikaroj, |
| Sed tamen ja malsatas la homar'. |
| El malproksimo venas pilgrimuloj |
| Al vi, ho kara milda sinjorin'. |
| Malfermu l' ujojn al ni almozuloj, |
| Per donoj ree regaligu nin. |
| Ne mildigendas nur de l' korp' sufero, |
| Malsatas la animoj multe pli, |
| Pli granda estas la anim-mizero, |
| Propete volu helpi homojn vi. |
| Volonte donis multon vi surtere |
| Kaj riĉe ĉerpis el la ĉerko vi. |
| En la eterna vivo vi ja vere |
| Kun Dia graco helpis vi al ni. |
| Sed ni, ni volas danki vin por ĉiam, |
| Sur viaj vojoj krede iru ni. |
| Atingos ni la alta celon tiam, |
| Ekvidos ĝoje iam vin ĉe Di'. |
| Translation of the German poem "Die Lippe wandelt sacht mit leiser Welle" by Augustin Wibbelt (*1862-09-19 - †1947-09-14) into Esperanto by Manfred Retzlaff (*1938-11-04) on 2010-10-28. Mi, Manfred Retzlaff, trovis tiu ĉi poemon en la kajero "La preĝejo kaj tombejo de la sanktulino Ida von Herzfeld", eldonita en 2003-05.13 de la katolika paroĥo de Sankta Ida en Hercfeld`, Kirchplatz 3, D-59510 Lippetal-Herzfeld. Interreto: www.st-ida-herzfeld.de. |