| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Manfred Retzlaff | Auferstehung | German | Arg-2177-1080 | 2014-07-10 18:36 Manfred | only this add | |
| Stanislaw Schulhof | * Reviviĝo | Esperanto | Arg-2174-1080 | 2014-07-07 12:43 Manfred | only this remove |
Stanislaw Schulhof, |
| Mi jam estis sen la idealoj, |
| Ne ekzistis por mi jam la floro, |
| Eksekiĝis amo en la koro, |
| Min ne tŭsis kant' de najtingaloj. |
| Mi nur vidis rapidantan sorton, |
| Nokton sen eliro kaj sen fino, |
| La fantomon, kun la kurba spino ... |
| Insideme proksimantan morton. |
| Min ne ploris, mi ne ĝojis plue, |
| Mi nur kantis unu melodion, |
| Ke la sorto tiun komedion |
| Kun mi finu, kiel eble frue ... |
| Granda suno brilis sur lazuro |
| Kaj estiĝis ĉie lum' kaj varmo |
| Kaj en branĉoj kant' de l' birda svarmo |
| Sonis kiel ia uverturo. |
| Tuj mi sentis, kiel stranga flamo |
| Disverŝiĝas en la pala vango |
| Kaj en mia koro densa sango |
| Brilis kiel iam dum la amo. |
| Odorplena spiris la aero |
| Kaj el ĉiu plej kaŝita niĉo |
| Ekridetis al mi la feliĉo, |
| Nova vivo, plena je espero. |
| Author of this Esperanto poem is Stanislaw Schulhof (*1864-11-12 - †1919-08-18). Tiu ĉi poemo troviĝas en http://esperanto.net/literaturo/uea/esperdesperrec.html. Pri la poeto vidu ankaŭ la retejojn http://www.tekstoj.nl/lm/lm22-2/bibliografio.html kaj http://eo.wikipedia.org/wiki/Stanislav_Schulhof. S-ro Hans-Georg Kaiser (Cezar) enigis ĝin ankaŭ en sian kolekton "Cezarkulturo", sub "http://cezarkulturo.blogspot.de/2012/08 stanislav-schulhof-kanto-de-l-sklavo.html". |