| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Stanislaw Schulhof | * Desperanto | Esperanto | Arg-2176-1082 | 2014-07-07 13:03 Manfred | only this remove |
Stanislaw Schulhof, |
| Dolĉe sonas via nomo, |
| ho Espero! nia bela vorto! |
| En la nokto plena je sopiro |
| vi, Espero, estas eliksiro, |
| sed nur eliksiro sen la forto. |
| Kontraŭ ĉio estas vi rimedo, |
| kiel kontraŭ superakvo muro, |
| sed vi estas sabla bariero, |
| ĉiam disfalanta en aero, |
| sed ni kredas je vi sen murmuro. |
| Tre agrabla vere estas sonĝo, |
| ankaŭ sonĝo pri la estonteco, |
| pri senĉesa homa harmonio, |
| unu amo, unu familio, |
| - sukeraĵo por la infaneco. |
| Ni atendas vane tempon belan, |
| Kiam regos sole via nomo. |
| En eterna monda karuselo |
| Vi Espero restos ĉiam stelo, |
| Ĉiam malproksima por la homo. |
| Eĉ se iam jena tempo venos, |
| Post jarmiloj, kaj post miliardo, |
| Tiam ree homon batos homo, |
| Sed li batos lin en via nomo, |
| Ankaŭ kun la stelo sur standardo. |
| Author of this Esperanto poem is Stanislaw Schulhof (*1864-11-12 - †1919-08-18). La du finaj strofoj troviĝas en http://esperanto.net/literaturo/uea/esperdesperrec.html, la kompleta poemo en http://cezarkulturo.blogspot.de/201 /08/stanislav-schulhof-desperanto-poemo.html. Pri la poeto vidu la retejon http://eo.wikipedia.org/wiki/Stanislav_Schulhof. |