| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Ludwig Emil Meier | Trinka kanto | Esperanto | 1907 | Arg-790-399 | 2007-03-29 09:44 Manfred | only this remove |
| N. N. 13 | * Trinklied | German | 1821 | Arg-788-399 | 2007-03-29 08:54 Manfred | only this add |
N. N. 13, |
| translated by Ludwig Emil Meier |
| 1. Fratoj, al festeno bona Dio |
| Kunvenigis nin en kanta ĥor', |
| Ĉiun zorgon tuj per energio |
| Ni kuntrinkantuloj ĉasu for! |
| Kie ŝaŭmas vin', |
| Ĝoj' florigas nin |
| Kiel de l'printempo bela flor'. |
| 2. Gaje ni traĝoju la junecon |
| Kun amikoj bonaj en kunven', |
| Ili donu al ni kontentecon, |
| Kaj la vino estu kora ben'! |
| Per vinbera fort' |
| Kontraŭ iu sort' |
| Ni jen armigitaj de deven'! |
| 3. Ne trinketu nur el la pokalo, |
| Kiam plena estas la barel', |
| Kiu ĝuas vivon tute en tervalo, |
| Ne konscias pri vivada cel'! |
| Vigle trinku do! |
| Malplenigu, ho! |
| Plua pleno kuŝas jen en kel'! |
| 4. Kun lumama sento la junulo |
| Bonkuraĝe venas tra vivad', |
| Kaj kun amikeco la kunulo |
| Li turnadas laŭ destina rad'.1) |
| Vi do fidu min: |
| Ĝis de l'mondo fin' |
| Estos mi fidela kamarad'! |
| 5. Ne sen uz' pasigu la junecon. |
| El pokalo laŭ konata fam', |
| Vi elĉerpos veran la belecon: |
| Ĉe knabina brusto kora am'! |
| Kiam lasos nin |
| La junec' kaj vin', |
| Nin akceptu, Ĥaron, via pram'! |
| Translation of the German poem "Trinklied" by N. N. 13 into Esperanto by Ludwig Emil Meier (*1847-02-16 - †1919) on 1907. La esperantigon de tiu ĉi kanto mi, Manfred Retzlaff, trovis en la kant-libreto "Esperantista kantaro", kolekto unua: Germanaj kantoj popolaj kaj studentaj, Esperantigitaj de L. E. Meier, verkisto. La kantlibro estas eldonita en 1907 de la eldonejo Hans Theodor Hoffman, Berlin W 35, Steglitzer Straße 44. |
| 1) pli bone eble:\\Sin turnadas laŭ destina rad'.\\(La verbo "turni" ja estas transitiva kaj bezonas objekton.) |