| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Manfredo Ratislavo | Malnova vi studenta glor' | Esperanto | 2003-09-21 | Arg-89-44 | MR-407-3a | 2003-11-20 10:19 Manfred | only this add |
| Eugen Höfling | * O alte Burschenherrlichkeit | German | Arg-88-44 | MR-407-3 | 2003-10-21 00:14 Manfred | only this add | |
| N. N. 14 | Verda stelo | Esperanto | Arg-926-44 | 2008-10-05 22:35 Manfred | only this remove |
Eugen Höfling, |
| translated by N. N. 14 |
| 1. En tiu ĉi solena hor' |
| eksonas nia kanto, |
| por ke ekflamo ĉiu kor' |
| por nia Esperanto! |
| La lingvo, kiu ligas nin |
| kaj kiu kunfratigas nin, |
| por alta sankta celo |
| de nia verda stelo! |
| 2. Amikoj, alten tenu vi |
| la signon de l'espero |
| neniam forgesante pri |
| la amo kaj la vero! |
| Ekĵuru, ke vi ĝis la mort', |
| eĉ dum plej malfeliĉa sort', |
| laboros por la celo |
| de nia verda stelo! |
| 3. Fidelaj estu al la ĵur', |
| neniam flankiĝante, |
| ĉar ni per unueco nur |
| ekvenkos batalante! |
| Batalo ne timigu nin, |
| kontraŭe, ĉi freŝigu nin |
| por alta sankta celo |
| de nia verda stelo! |
| 4. Se kiam foje vin labor' |
| tro forte vin lacigos, |
| memoru, ke plezura hor' |
| vin certe revivigos! |
| Ni estu tial gajaj nun, |
| eĉ se briladas nek la sun', |
| nek luno sur ĉielo: |
| Ekbrilu verda stelo! |
| 5. Sed ankaŭ ne forgesu ni |
| la ĉarmajn virinetojn, |
| ĉar ili al la harmoni' |
| donacas la rozetojn! |
| Vivegu ĉiu belulin' |
| akompananta gaje nin |
| sur vojo al la celo |
| de nia verda stelo! |
| 6. Kaj fine nun el tuta kor' |
| dum flirtas la standardo, |
| dum tintas glasoj laŭ la mor' |
| elkriu ni kun ardo: |
| Ĝis eterniĝos nia rond', |
| ĝis ruiniĝos nia mond' |
| vivegu nia celo, |
| vivegu verda stelo! |
| Translation of the German poem "O alte Burschenherrlichkeit" by Eugen Höfling (*1808 - †1880) into Esperanto by N. N. 14. Mi, Manfred Retzlaff, kopiis tiun ĉi kanton el la kajero "Kelkaj ŝatataj kantoj, eldonitaj de Kolding Esperanto Klub". Mi ricevis fotokopion de tiu kant-libreto de la dana samideano Lars Kromann. Li trovis tiun kant-libreton en la arkivo de la dana s-ano Gustav Kühlmann. La verkinto kaj la dato ne estis indikita. Estis notita nur, ke la kanto kanteblas laŭ la germana studenta kanto "O alte Burschenherrlichkeit". |