| export for printing: portrait (PDF) landscape (PDF) | [show all export formats] |
| author [first name] | title | language | publication | id code | last modification | view |
|---|---|---|---|---|---|---|
| Annette von Droste-Hülshoff | * Der Knabe im Moor | German | Arg-96-49 | 2003-10-25 00:07 Manfred | only this add | |
| Manfredo Ratislavo | La knabo en la marĉo | Esperanto | 1991 | Arg-97-49 | MR247-7c | 2003-10-25 18:27 Manfred | only this remove |
Annette von Droste-Hülshoff, |
| translated by Manfredo Ratislavo |
| Timige estas iradi tra |
| La marĉ’ en duonmallumo, |
| Se kroĉtrikas ramptigoj kaj turnas la |
| Fantomoj sin el la fumo. |
| Elsaltas sub ĉiu pieda tret’ |
| Elfende siblante fontanet’. |
| Timiga estas la marĉo ja, |
| Se kraketas la kana ventumo. |
| Infano, kvazaŭ pro ega turment’ |
| Surmarĉe kuradas tie. |
| Blovadas kave surface la vent’, |
| Rasletas ĉe hego ie. |
| Elfosas perfida la marĉlaborul’ |
| Sekrete la torfon de l’ bienul’. |
| Ĉu venas jen best’? Pro terura sent’ |
| La knabo kaŭras fobie. |
| De l’ bordo fikse elstaras ŝtipar’, |
| Horore kapskuas la pino, |
| Kuregas la knabo tra l’ kana arbar’, |
| Bategas la kor’ en la sino. |
| Susure bruetas, sidas en |
| Densejo la marĉspinistino jen. |
| ŝi turnas haspelon en fragmitar’, |
| La malbenita fiino. |
| Antaŭen, rapidu antaŭen nur! |
| Antaŭen, vin io pelas! |
| Marĉakvo ekbolas dum lia kur’, |
| ĝi fajfas, ĝi sible anhelas. |
| Ĝi estas fantoma melodi’, |
| La fimuzikist’ ludas tie ĉi, |
| La violonisto, kiu de sur |
| La tabloj telerojn ŝtelas. |
| Subite la marĉo fendas sin, |
| Eliĝas suspiro kria! |
| Ho ve, jen vokas damnita fein’: |
| „Mizera animo mia!“ |
| Saltegas la knabo pro ega ektim’, |
| Sed estas anĝelo en lia proksim’. |
| Alie fosist’ iam trovus lin, |
| Nur restus ostaro lia. |
| Firmiĝas la tero nun pli kaj pli, |
| Jen brilas lumet’ esperige. |
| Li lasas la marĉon malantaŭ si, |
| La lampo flagras hejmige. |
| Profunde li spiras post tiu kur’, |
| Kaj reen rigardas li time nur. |
| En tiu kanaro malantaŭ li |
| Ja estis timegige. |
| Translation of the German poem "Der Knabe im Moor" by Annette von Droste-Hülshoff (*1797-01-10 - †1848-05-24) into Esperanto by Manfredo Ratislavo (Manfred Retzlaff, Stettiner Str. 16, D-59302 Oelde, Germanio, *1938-11-04) on 1991. Verkita de la poetino Drostehujlshofo, Anetino de (Annette von Droste-Hülshoff, 1797 - 1848). Esperantigis: Manfredo Ratislavo en 1991 laŭ la origina germanalingva teksto. |