| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Adam Mickiewicz | * Przypomnienie | Pola | Arg-499-247 | 2010-08-15 19:37 mgr | nur tiun aldonu | |
| Manfredo Ratislavo | Memorigo | Esperanto | 1983 | Arg-500-247 | MR-061-3b | 2004-06-20 18:48 Manfred | nur tiun forigu |
Adam Mickiewicz, |
| tradukita de Manfredo Ratislavo |
| Laŭra, ĉu niaj belaj jaroj de kunesto |
| estas jam ne entute de vi forgesitaj, |
| kiam ni nur pri ni, pri ni mem okupitaj, |
| volis tute ne zorgi pri l' fremda mondresto? |
| Kie malvarmetec' el jasmen' elplektiĝis,1) |
| kie la rivereto susure fluadis, |
| tie ofte ni am-dezirojn malkaŝadis |
| unu al la alia, kaj per nokt' kovriĝis. |
| Malantaŭ pala nubo la luno vidiĝis, |
| prilumante neĝ-bruston kaj ringojn el oro; |
| al via ĉarmo dia graci' aldoniĝis. |
| Kiel mia raviĝis tiam via koro, |
| buŝ' al buŝo, okulo en okul' perdiĝis, |
| ĝem' kun ĝemo kaj ploro miksis sin kun ploro. |
| Traduko de la Pola poemo "Przypomnienie" de Adam Mickiewicz (Adamo Mickjeviĉo, *1789 - †1855) en Esperanton de Manfredo Ratislavo (Manfred Retzlaff, Stettiner Str. 16, D-59302 Oelde, Germanio, *1938-11-04) en 1983. |
| 1) aŭ eble: kie malvarmetec' el jasmen' etendiĝis, |