| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Walter Stempell | * Münsterlied | Germana | Arg-597-295 | 2012-11-29 23:06 Manfred | nur tiun aldonu | |
| Manfred Retzlaff | Monasterkanto | Esperanto | Arg-598-295 | 2005-02-21 10:29 Manfred | nur tiun forigu |
Walter Stempell, |
| tradukita de Manfred Retzlaff |
| Kara urbo en tilia |
| Kron', ornam' de Vestfali', |
| Metu sur remparo via |
| Vian urb-standardon vi. |
| Brilu ĉiam kun fiero, |
| Ardu la tilio-flor'; |
| Restis juna, Monastero, |
| Via rebaptista kor'. |
| La zigzagaj dom-frontonoj, |
| Freŝa rido de knabin', |
| Krome sonorilaj sonoj, |
| Tio bone rimas sin. |
| Sonas inter la urb-muroj |
| Rido kaj mallaŭta kri', |
| Brilas la malnovaj turoj, |
| Ofte vidis tion ĉi. |
| Kiam jen en lun-radio |
| Lumas la urb-katedral', |
| Fantomadas kaŝe io |
| Tra l' malnova urbo-hal'. |
| Dum disput' de l' kontrahentoj1) |
| Batas la horlog' de l' tur', |
| Gaje kantas la studentoj: |
| "Gaudeamas igitur". |
| Kaj studentoj jen promenas, |
| Indaj pastroj en ornat', |
| Ankaŭ belaj inoj venas |
| Al la universitat'. |
| Malgraŭ grizo kapharara |
| Daŭre restas juna ĝi, |
| Tiu muzoplena kara |
| Aŭro de l' akademi'. |
| Monastero, urbo bela, |
| Floru ĉiam kun kreskem'; |
| Kiu nomis vin malhela, |
| Estis malhelulo mem. |
| Via sonoril-sonado, |
| de l' virinoj la belec', |
| Gaja la student-kantado, |
| Daŭru ĝi en estontec'! |
| Kiu ne kun Monastera |
| Knabineto iris tra |
| Tiu urbo, ano vera |
| De la urb' ne estis ja. |
| Kiu ne en Monastero |
| Trinkis glason da bier', |
| Tiu estis ja en vero |
| ne student' en Monaster'. |
| Traduko de la Germana poemo "Münsterlied" de Walter Stempell (†1938) en Esperanton de Manfred Retzlaff (*1938-11-04). |
| 1) aŭ:\\Dum disput' de l' kontrahentoj\\Aŭdas horloĝ-baton ni,\\Gaje kantas la studentoj:\\"Ĝoju ni pro tio ĉi".\\\\La vorto "kontrahento" estu studenta esprimo, kiu signifu "kontraŭulo en disputo", laŭ la germana, latin-devena, esprimo "Kontrahent". |