| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Hans Erik Jensen | La kamparano kaj lia filo | Esperanto | 1951-06-07 | Arg-1072-536 | 2013-02-10 19:30 Manfred | nur tiun forigu |
| Christian Fürchtegott Gellert | * Der Bauer und sein Sohn | Germana | Arg-1068-536 | 2013-02-10 19:41 Manfred | nur tiun aldonu | |
| Christian Wilster | Bonden og hans Søn | Danish | Arg-1074-536 | 2013-02-10 19:26 Manfred | nur tiun aldonu |
Christian Fürchtegott Gellert, |
| tradukita de Hans Erik Jensen |
| Johano, juna kamparan' |
| post eksterlanda por la san' |
| vojaĝo kun nobela fil' |
| al sia patra domicil' |
| revenis kaj en la vilaĝ' |
| fieris li pro la vojaĝ'; |
| por ĉies ĝoj' rakontis li |
| pri eksterlando pli kaj pli. |
| Sed kvankam parto estis ver', |
| mensog' abundis sen moder'. |
| Vojaĝo du kapablojn donas: |
| Mensogas ni kaj fanfaronas! |
| Ne malpli lerte Hans mensogis |
| ol besto kuras, birdo flugis. |
| Monato pasis, tiam li |
| pro certa grava komisi' |
| de l'patro nun en kompani' |
| promenis al la urb' kun li. |
| Foriris ili en maten' |
| kaj vidis hundon dum promen'. |
| Feliĉe ligis ĝin kateno, |
| minacis ĝi kun mordmieno. |
| "Jen monstro!" diris Frederik' |
| por ĝia bruo kaj mimik'. |
| "Ho, bagatel'!" respondis Hans, |
| "pasintan jaron fore trans |
| la lim' mi grandan hundon vidis, |
| kaj vere mi pro ĝi ne ridis! |
| Mi ĉe Stetino ĝin renkontis; |
| ektimis mi, sed ĝin alfrontis! |
| Stetino - eble kredas vi: |
| al Kopenhag' egalas ĝi, |
| Ho ne! al mi nur fidu vi - |
| dekoble granda, eble pli! |
| La hundo, kiun vidis mi - |
| al mia vorto kredu vi - |
| almenaŭ estis - ho, fatal'! - |
| egale granda kun ĉeval'!" |
| De l'patro sonis la respond': |
| "Mirinde - kvankam en la mond' |
| tre strangajn aĵojn vidas ni; |
| okulon propran fidas ni |
| apenaŭ - ankaŭ same pri rakont'. |
| Ekzemple venos baldaŭ ni al pont'. |
| Ni ĝin atingos post malpli ol hor' |
| - al ni neevitebla koridor'. |
| Sur ĝi troviĝas granda ŝton'; |
| al ni ĝi rompas kruron sen pardon', |
| se ni mensogis dum la tag' - |
| jen vero - kaj neniel blag'!" |
| Aŭdinte tion tuj la fil' |
| ektimis kaj pro maltrankvil' |
| la sango kuris al la kap', |
| li ŝvitis pro angora frap'. |
| Li kriis: "Paĉjo, kara vi, |
| tro forte ne rapidu ni! |
| Por maljunulo la veter' |
| tre varma estas ja danĝer'! |
| La forton oni devas ŝpari |
| kaj pripensadi, kion fari. |
| Se pri la hundo pensas mi, |
| ne tiom granda estis ĝi, |
| kiom rakontis mi al vi, |
| sed certe estis ĝi malpli - |
| egalis eble kun bovin', |
| sed tamen hundo de kulmin'!" |
| Denove ili laŭ la voj' |
| iradis, sed sen granda ĝoj', |
| ĉar la junulon la rakont' |
| maltrankviligis, kaj la pont' |
| konfuzon faris pli kaj pli, |
| kaj pro la timo cedis li; |
| ni ĉiuj ja volonte savas |
| la krurojn, se ni sanajn havas. |
| Johano tial pro la krur' |
| elkriis: "Paĉjo, vorton nur! |
| Mi pensas daŭro pri la hundo, |
| sed pro la vero ĝis la fundo |
| mi diras al vi en konfid': |
| Egalis ĝi nur kun bovid'." |
| Sed baldaŭ en la horizont' |
| videbla estis nun la pont'. |
| Por timo fluis al Johan' |
| laŭ lia haŭto ŝvitfontan'. |
| Nun kaptis li pro la efiko |
| la patron forte je l'maniko, |
| kaj kriis li en malespero:+ |
| "Ho, paĉjo, nun mi en sincero |
| onfesas, ke mi ŝercis nur; |
| kaj tio, kion por plezur' |
| rakontis pri la hundo mi, |
| ja estis nura fantazi'. |
| Similis ĝi ja laŭ la ver' |
| la hundojn sur la hejma ter'." |
| Transpasis ili sen danĝer' |
| la ponton de mensog' kaj ver'. |
| La fil' ne pro la fanfaron' |
| la kruron rompis sur la ŝton'. |
| Sed velkis lia fantazi', |
| kaj ĉe la vero restis li. |
| Li ne similis plu al dando |
| estinta en la eksterlando. |
| Traduko de la Germana poemo "Der Bauer und sein Sohn" de Christian Fürchtegott Gellert (Kristiano Timodio Gelerto, *1715-07.04 - †1769-12-12) en Esperanton de Hans Erik Jensen (†1973-06-18) en 1951-06-07. Tiu ĉi traduko estis publikigita en la revuo "Monataj Informoj" de Silkeborg Esperantoforening (Danujo). |