| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Сергей Григорьевич Рублёв | Monumento | Esperanto | Arg-1910-948 | 2013-12-14 08:10 Manfred | nur tiun forigu | |
| Михаил Юрьевич Лермонтов | * Exegi monumentum. | Rusa | Arg-1909-948 | 2013-12-13 18:56 Manfred | nur tiun aldonu |
Михаил Юрьевич Лермонтов, |
| tradukita de Сергей Григорьевич Рублёв |
| Mi kreis nun por mi mirindan monumenton. |
| Ĝi estas al popol' eterna mia don', |
| Kaj ĝi per alta kap' superas eminenton' |
| De l' Aleksandra glor-kolon'. |
| Ne tute mortos mi! Anim' en kara liro |
| Pluvivos post la korp', ne estos ĝi mortont', |
| Kaj ĉiam famos mi, dum vivos la inspiro |
| De unu eĉ poet' en mond'. |
| La tuta vasta land' min gloros kun efiko |
| Kaj ĉiu naciar' tre bone konos min: |
| Fiera slava nep', kalmuko step-amiko, |
| Tunguz' sovaĝa nun kaj finn'. |
| Kaj longe amos min popolo kun sincero, |
| Ĉar vekis mi per lir' bonecon de l' anim', |
| Ĉar en severa temp' mi kantis pri libero |
| Kaj vokis la indulg' sen tim'. |
| Diecan volon, muz', obeu kaj ne spitu, |
| Ne zorgu pri la kron', ne timu pri insult', |
| La kalumni' kaj laŭd' vin tute ne ekscitu |
| Kaj ne diskutu vi kun stult'. |
| Traduko de la Rusa poemo "Exegi monumentum." de Михаил Юрьевич Лермонтов (*1814-10-16 - †1841-07-27) en Esperanton de Сергей Григорьевич Рублёв (Sergej Rublov, *1901 - †1979). Tiun ĉi esperantigon mi, Manfred Retzlaff, trovis en la revuo "Moskvaj Novaĵoj", prov-numero en Esperanto de Aprilo 1989. Pri la tradukinto vidu la retejon "". Vidu ankaŭ: http://www.ipernity.com/doc/83707/7197616. Laŭ informo de s-ano Boris Kolker la tradukinto Sergej Rublev estis elstara sovetia esperantisto kaj brila Esperanto-tradukisto. Li loĝis en la urbo Odeso. |