| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Vasilij Devjatnin | * Malhimno idista | Esperanto | Arg-2115-1040 | 2014-06-05 00:03 Manfred | nur tiun forigu |
Vasilij Devjatnin, |
| En la mond' naskiĝis nova ido, |
| Tra la mond' malsaĝa iras voko: |
| Renkontata ĉie per la rido, |
| Nun de loko flugas ĝi al loko. |
| Ĝi al glavo, sangon soifanta, |
| Nun la homan familion tiras: |
| Al la mond' eterne militanta |
| Malpaciĝon novan ĝi inspiras! |
| Sub sensenca sign' de blua stelo |
| Kolektiĝas kelkaj poliglotoj, -- |
| Kaj neniu scias pri la celo, |
| Kiun havas tiuj idiotoj! |
| Forte staras muroj de miljaroj |
| Inter la popoloj dividitaj, -- |
| Sed ankoraŭ plifortiĝus baroj, |
| Se per Ido estus ni kaptitaj. |
| Sur sensenca ida fundamento, |
| Komprenante preskaŭ jam nenion, |
| La popoloj pro la malkonsento |
| Pereigus homan familion! . . . |
| Sed ni kredu: tiu ĉi brutaro |
| Tre rapide tute malfortiĝos, -- |
| Kaj la bela sonĝo de l' homaro |
| Por eterna ben' efektiviĝos! |
| Verkinto de tiu ĉi Esperanta poemo estas Vasilij Devjatnin (*1862 - †1938). Tiu poemo troviĝas ankaŭ en http://www.wikilivres.ca/wiki/Malhimno_idista. Mi, Manfred Retzlaff, kopiis ĝin el tiu retejo. Pri la aŭtoro vidu la vikipediejon http://eo.wikipedia.org/wiki/Vasilij_Devjatnin. |