| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Theodor Storm | * Abseits | Germana | Arg-367-182 | 2004-02-24 08:05 Manfred | nur tiun aldonu | |
| Manfredo Ratislavo | Fore | Esperanto | 2001-04 | Arg-368-182 | MR-348-1b | 2004-02-24 08:11 Manfred | nur tiun forigu |
Theodor Storm, |
| tradukita de Manfredo Ratislavo |
| La erikejo kuŝas en |
| la varma tagmezsuna brilo; |
| kaj ĉirkaŭ la ŝtontomboj jen |
| ruĝbrilo flugas tra l’ trankvilo.1) |
| La herboj floras, la odor’ |
| en la aeron ŝvebas sor. |
| Skaraboj hastas tra l’ herbar’ |
| en siaj bluaj kirasetoj, |
| pendigas sin la abelar’ |
| ĉe l’ de l’ erik’ sonoriletoj.2) |
| Svingiĝas birdoj tra l’ aer’ – |
| alaŭda kant’ en la eter’. |
| Prilumigite de la sun’ |
| kaduka staras jen kabano, |
| rigardas el la pordo nun |
| abelojn siajn kamparano; |
| kaj lia filo apud li |
| eltranĉas fluton jen por si. |
| Vibradon de l’ tursonoril’ |
| apenaŭ aŭdas la oldulo, |
| ekdormas li en la trankvil’, |
| fermiĝas sonĝe la okulo. |
| - Ne venis la malkvietec’ |
| de l’ nova temp’ al ĉi solec’. |
| Traduko de la Germana poemo "Abseits" de Theodor Storm (Teodoro Stormo, *1817-09-14 - †1888-07-04) en Esperanton de Manfredo Ratislavo (Manfred Retzlaff, Stettiner Str. 16, D-59302 Oelde, Germanio, *1938-11-04) en 2001-04. |
| 1) aŭ: ruĝbrilo flugas en trankvilo. |
| 2) aŭ: al de l’ erik’ sonoriletoj. |