| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Antoni Grabowski | La lasta rozo | Esperanto | Arg-1056-530 | 2010-03-28 19:37 Manfred | nur tiun forigu | |
| Clarence Bicknell | La lasta rozo | Esperanto | Arg-1054-530 | 2014-02-15 13:55 Manfred | nur tiun forigu | |
| N. N. 101 | La lasta rozo de somero | Esperanto | Arg-2211-530 | 2014-11-03 22:41 Manfred | nur tiun forigu | |
| Thomas Moore | * ’T is the Last Rose of Summer | Angla | Arg-1053-530 | 2014-11-04 07:57 Manfred | nur tiun aldonu |
Thomas Moore, | Thomas Moore, | Thomas Moore, | ||
| tradukita de Clarence Bicknell | tradukita de N. N. 101 | tradukita de Antoni Grabowski | ||
| Jen la lasta rozeto de fora somer'! | Nun floras de l’somero la sola lasta rozo. | Jen floras sola, forlasita la lasta rozo de l' somero, | ||
| Ĝiaj belaj kunuloj jam velkis sur ter'! | La kunvivantoj ĝiaj velkis en mortripozo: | Dum ĝia ĉarma gefrataro, velkinte kuŝas jam sur tero. | ||
| Ne restas parenco, ne unu rozflor' | ne estas flor’ parenca, aŭ rozburĝono ia, | Ne estas ia flor' parenca, nek roz-burĝono en proksimo, | ||
| Partoprenas kompate en ĝia dolor'. | Por ĝemojn kaj ruĝiĝojn redoni al alia. | Por interŝanĝi la ridetojn aŭ la sopirojn, laŭ kutimo. | ||
| Mi ne lasos vin velki tutsola, ho roz'. | Mi ne vin lasos sole, sur la tronket’ plendeti | Mi vin ne lasos, ho soleca, ĉagrene sur trunketo brili; | ||
| Iru dormi kun ili en paca ripoz'. | Ĉar la beluloj dormas, vi devas kundormeti. | Ĉar la karuloj viaj dormas, do iru, dormu vi kun ili! | ||
| Nun viajn petalojn disĵetas mi for | En morto, sen parfumo, l’amikoj jam dormetas: | Foliojn viajn mi afable disĵetas sur bedeto jena: | ||
| Al viaj kunuloj sen viv', sen odor'. | Do floron vian teren ĝentile mi disĵetas. | Vi kuŝu apud senaroma, malviva kunular' ĝardena! | ||
| Tiel same volonte formortus mi mem, | Mi tiel volus sekvi se l’amikec’ finiĝus | Mi tiel sekvu, kiam pasos de l' amikeco flor' fidela, | ||
| Se ne plu min atendus amika manprem'. | Aŭ la juveloj brilaj de l’amular’ foriĝus: | Kaj el brilanta amo-ringo elfalos lasta ŝton' juvela. | ||
| Ĉar kiu kun koro en tiu ĉi mond' | Ĉar se la koroj veraj kaj dolĉaj ne plu estus, | Ĉar kiam velkis veraj koroj, sentemaj flugis for el rondo, | ||
| Volus loĝi izola sen amo-respond'? | En la dezerta mondo volonte kiu restus? | Ho, kiu volus tiam loĝi solece en malvarma mondo? | ||
| Traduko de la Angla poemo "’T is the Last Rose of Summer" de Thomas Moore (*1779-05-28 - †1852-02-25) en Esperanton de Clarence Bicknell (*1842-10-27 - †1918-07-17). Mi, Manfred Retzlaff, trovis tiun ĉi poem-tradukon en folio kun kantoj prezentitaj dum la 12a jarkunveno de Germana Esperanta Fervojista Asocio (GEFA), la 12-an de oktobro 1968. Pri la tradukinto vidu la retejon http://eo.wikisource.org/wiki/Aŭtoro:Bicknell_C.,_Bordigheza. | Traduko de la Angla poemo "’T is the Last Rose of Summer" de Thomas Moore (*1779-05-28 - †1852-02-25) en Esperanton de Antoni Grabowski (*1857-06-11 - †1921-07-04). Tiun ĉi poem-tradukon mi, Manfred Retzlaff, kopiis el la retejo http://www.netlibrary.net/eBooks/Wordtheque/eo/221211.TXT. | |||
| Traduko de la Angla poemo "’T is the Last Rose of Summer" de Thomas Moore (*1779-05-28 - †1852-02-25) en Esperanton de N. N. 101. Tiu ĉi poem-esperantigo troviĝas en http://www.gutenberg.org/files/38240/38240-h/vol1/e01.htm. |