| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Theodor Storm | * Knecht Ruprecht | Germana | Arg-194-97 | MR-019-3-1c | 2003-12-11 07:54 Manfred | nur tiun aldonu | |
| Manfredo Ratislavo | Servisto Rupreĥto | Esperanto | Arg-195-97 | MR-019-3-1c | 2003-12-11 08:04 Manfred | nur tiun forigu |
Theodor Storm, |
| tradukita de Manfredo Ratislavo |
| De l’ arbaro mi venas, de ekstere; |
| Aŭskultu: Kristnaskas jam ree surtere! |
| Ĉie, sur ĉiuj abio-pintetoj |
| Sidas ore brilantaj lumetoj; |
| Kaj supre, el la ĉiel-pordego |
| Rigardis la krist-infan’ kun mirego. |
| Kaj kiam mi iris tra l’ arbara senfin’, |
| Per laŭta voĉo alvokis li min: |
| „Ho Rupreĥto, maljuna ulo, |
| Levu la gambojn, vi vagemulo! |
| En ĉiu domo jam lumas kandelo, |
| Kaj malfermiĝis la pord’ de l’ ĉielo. |
| Ripozu la homoj unufoje, |
| Kristnaskon festu ili ĝoje. |
| Kaj morgaŭ surteren mi flugos senpere, |
| Ĉar ree fariĝu Kristnasko surtere. |
| „Pardonu min, ho Sinjoro“, mi diris, |
| „Al ĉiu urbo mi ankoraŭ ne iris. |
| Eniru nur tiun ĉi urbon ankoraŭ mi; |
| Ĉar bonaj infanoj enestas en ĝí.“ |
| - „Ĉu havas vi ankaŭ la sakon ĉe vi?“ |
| - „Jes“, mi diris, „estas ĝi tie ĉi; |
| Ĉar al infanoj de ĉiuj landoj |
| Ja plaĉas nuksoj kaj amandoj.“ |
| - „Ĉu havas vi ankaŭ batvergon ĉe vi?“ |
| „Jes“, diris mi, „jen estas ĝi! |
| Ĝi estu por la infanoj, la fiaj. |
| Batataj estu postaĵoj iliaj.“ |
| „Nun iru kun Dio, fidela servisto!“ |
| Parolis al mi la infano Kristo. |
| De l’ arbaro mi venas, de ekstere; |
| Min kredu: Kristnaskas jam ree surtere! |
| Nu, vi infanoj ĉie ĉi, |
| ĉu estis karaj ĉiuj vi? |
| Traduko de la Germana poemo "Knecht Ruprecht" de Theodor Storm (Teodoro Stormo, *1817-09-14 - †1888-07-04) en Esperanton de Manfredo Ratislavo (Manfred Retzlaff, Stettiner Str. 16, D-59302 Oelde, Germanio, *1938-11-04). |