poezio.net - Poem

verkinto [voknomo]	titolo	lingvo	publikigo	identiga kodo	lasta modifo	aspekto
Manfredo Ratislavo	Translasu ĉion, kio	Esperanto		Arg-1098-546	2010-07-03 14:37 Manfred	nur tiun forigu
Hendrik Arie de Hoog	Transdonu vian vojon	Esperanto	1954	Arg-1100-546	2013-07-17 21:48 Manfred	nur tiun aldonu
Richard Jordan	Commit whatever grieves thee [-]	Angla		Arg-1099-546	2010-06-27 12:11 Manfred	nur tiun forigu
Paul Gerhardt	* Befiehl du deine Wege	Germana	1653	Arg-1096-546	2010-06-24 22:02 Manfred	nur tiun aldonu

Paul Gerhardt, Commit whatever grieves thee		Paul Gerhardt, Translasu ĉion, kio

tradukita de Richard Jordan		tradukita de Manfredo Ratislavo

Argiope-informo:		1. Translasu ĉion, kio
La aspekto de tiu ĉi versio estas barita.		Vin premas en la kor’
Supozeble la aŭtoro decidis tion.		Al nia kara Dio,
		Foriĝos la dolor’.
		La patro, kiu movas
		La nubojn super ni,
		Li certe vojon trovas,
		Sur kiu iros vi.

Traduko de la Germana poemo "Befiehl du deine Wege" de Paul Gerhardt (*1607-03-12 - †1676-05-27) en la Anglan de Richard Jordan. Tiu ĉi angligo troviĝas en la retejo http://www.musicanet.org/robokopp/hymn/commitwh.htm.		2. Al Dio vi nur fidu,
		Kaj bone fartos vi ;
		Sur Lian verkon vidu,
		Miriga estas ĝi.
		Vi ne devigos Dion,
		Eĉ se vi streĉas vin;
		Atingos vi nenion,
		Se vi ne petas Lin.

		3. Ho patro, kio bonas
		Por nia hom-natur’,
		Vi certe tion konas,
		Ni kredu tion nur.
		Kaj kiun Vi elektas,
		Kreskigas Vi fortul’,
		Kaj tiun Vi protektas,
		Ho saĝa Eternul’.

		4. Ne mankas al vi vojo,
		Kaj ne la rimedar’ ;
		Ja estas por ni ĝojo
		Kaj beno Via far’.
		Labor’ kaj verko Via
		Tre gravas ja por ni ;
		Ho kara patro nia,
		Ne devas halti ĝi.

		5. Kaj kvankam kontraŭstaras
		Diabloj tie ĉi,
		Sendube Dio faras
		Nur kiel volas Li.
		Jes, kion Li planadas
		Kaj kion volas Li,
		Finfine ja venadas
		Alcele tio ĉi.

		6. Esperu, ho animo,
		Ne malesperu vi,
		Restadu vi sen timo,
		Gvidadas vin ja Di’.
		Se vin malbon’ insidos,
		Ne iru de la voj’,
		Vi certe iam vidos
		La sunon de la ĝoj’.

		7. Nun bonan nokton diru
		Al zorgo kaj dolor’!
		Ĝin lasu, ĝi foriru
		Por ĉiam el la kor’!
		Vi ne konduki ĉion,
		Ne zorgu por la bon’!
		Vi lasu regi Dion.
		Li sidas sur la tron’.

		8. Lin, Lin nur lasu fari!
		Li estas saĝa reg’.
		Vi devas mire stari
		Adore kaj en preĝ’.
		Ĉar Li laŭ Sia deco
		Ĝin gvidos al la fin’,
		Kaj la kor-premiteco
		Lasinta estos vin.

		9. Li eble atendigos
		Dum kelka tempa vin,
		Kaj eble Li ŝajnigos
		Indiferenta Sin.
		Kaj ŝajnos, kvazaŭ volos
		Li ne plu savi vin,
		Neniam vin konsolos,
		Retiros de vi Sin.

		10. Sed se fidele restos
		Vi al la patra Di’,
		Savita de Li estos
		Neatendite vi.
		Se malgraŭ senkulpeco
		Suferi devas vi,
		De l’ peza ŝarĝiteco
		Vin liberigos Li.

		11. Ho ĝoju, fidelulo!
		Donita de l’ Sinjor’
		Ja estas al piulo,
		Al vi la venka glor’.
		Folion de la palmo
		Mem donos Li al vi;
		Vi kantos laŭ la psalmo,
		Dankante nur al Li.

		12. Ho, lasu esti fino
		De nia mizereg’,
		En via patra sino,
		Eĉ malgraŭ sufereg’,
		Restadas ni surtere
		Kaj post la vivo-fin’
		Ĉe Vi ni estos vere;
		Vi ja akceptos nin.

		Traduko de la Germana poemo "Befiehl du deine Wege" de Paul Gerhardt (1607-03-12 - †1676-05-27) en Esperanton de Manfredo Ratislavo (Manfred Retzlaff, Stettiner Str. 16, D-59302 Oelde, Germanio, 1938-11-04). La unuan, la duan kaj la kvinan strofojn mi, Manfred Retzlaff, korektis lau konsiloj de s-ro pastro Albrecht Kronenberger [Albrecht.Kronenberger@t-online.de].

Paul Gerhardt,Commit whatever grieves thee

Paul Gerhardt,Translasu ĉion, kio

Paul Gerhardt,
Commit whatever grieves thee

Paul Gerhardt,
Translasu ĉion, kio