| eksporti for presado: vertikala formato (PDF)
kverformato (PDF)
| montru nur la normajn formatojn
aldonaj eksport-formatoj: simpla teksto LaTeX LaTeX kverformato DVI DVI kverformato Postskripto Postskripto kverformato | [aldonu al libro] [estingu la libro] |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Vasilij Devjatnin | * La kverko kaj la kano | Esperanto | Arg-2128-1049 | 2014-06-08 22:45 Manfred | nur tiun forigu |
Vasilij Devjatnin, |
| La kverk' parolis kun la kan' humila. |
| «Vi, certe, ĉiam vian sorton plendi povas», |
| Li diris: «eĉ pasero estas malfacila |
| Por vi. Apenaŭ nur ventet' malgranda blovas, |
| Vi ŝanceliĝas, falas senkuraĝe, |
| Kaj tiel fleksas vin al tero, |
| Ke vidi estas vin domaĝe. |
| Kaj mi, egala al Kaŭkazo, kun fiero, |
| Ne sole kontraŭ hela sun' mi ombron faras, |
| Sed al ventegoj, fulmatondroj [tiel] kontraustaras. |
| Fortika mi kaj rekta staras, |
| Barita kvazaŭ per nedetruebla paco: |
| Por mi zefiro estas, kaj por vi—minaco. |
| Se kreskus vi ĉe mia forta kruro, |
| Per densa ombr' de miaj branĉoj ĉirkaŭita— |
| Vi kontraŭ ventoj tiam estus defendita; |
| Sed vin lokigis iel la naturo |
| En akvo ŝancelebla apud bord' rivera: |
| Sendube, estas la natur' al vi severa» |
| —«Vi tro kompatas min», al li la kano diras: |
| «Sed mi ne plendas tute, vane vi sopiras. |
| Mi la ventegojn ne pro mi timiĝas; [tiel] |
| Mi flekŝas [tiel] min, sed ne rompiĝas, |
| Do ili min ne malkuracas; |
| Kaj vin, mi kredas, ili pli ol min minacas! |
| Verdire, antaŭ la ventega krueleco |
| Ne falis via fortikeco, |
| Kaj pro iliaj batoj vi ne klinis spinon; |
| Sed—ni atendu finon!» |
| Apenaŭ ĝin la kano diris, |
| Kaj flugas jen de norda lando |
| Pluvego, hajlo, ĝusta ribelega bando. |
| La kverko staras,—teren kano sin ektiris. |
| Bruegas vento, fortojn duobligis |
| Kaj tiun ĝi elradikigis, |
| Cielon [tiel] kiu tuŝis per la kap' fiera, |
| Kaŝante la kalkanon en profundo tera. |
| Verkinto de tiu ĉi Esperanta poemo estas Vasilij Devjatnin (*1862 - †1938). Fabelo verkita oigine de I. A. Krilov. Vidu la retejon http://eo.wikisource.org/wiki/Fabloj_de_I._A._Krilov. |