| export for printing: portrait (PDF)
landscape (PDF)
| [show only standard export formats]
additional export formats: plain text LaTeX LaTeX landscape DVI DVI landscape Postscript Postscript landscape | [add to book] [clear book] |
| author [first name] | title | language | publication | id code | last modification | view |
|---|---|---|---|---|---|---|
| Stanislaw Schulhof | * Kanto de l' sklavo | Esperanto | Arg-2172-1078 | 2014-07-05 19:11 Manfred | only this remove |
Stanislaw Schulhof, |
| Nun mi klare vidas, ke jam sorto mia |
| estas alligita al vi per kateno, |
| ke mi nun jam devos ĉiam kun vi iri, |
| ke mi certe ne sukcesos jam akiri |
| liberecon, mia nova suvereno! |
| Multefoje mi forĵetis mian plumon, |
| eĉ emblemon vian: stelon kvinradian, |
| en la kor' la fajron mi estingi penis, |
| sed vi senkompate ĉiam min ekprenis, |
| kaj min pluen, pluen trenis: sklavon vian. |
| Al vi apartenas do nun vivo mia, |
| ĉio, kion jaroj lasis en la koro |
| vin mi sekvas nune, kiel somnambulo, |
| tute kontraŭvole, tute sen postulo, |
| kaj mi jam ne revas eĉ pri laŭr' kaj gloro. |
| Kie vi ja prenis tiun sorĉan forton? |
| Vi tra landoj marŝas sen la sang' sur glavo |
| sen kanonoj, nur kun via verda stelo, |
| kaj vin malgraŭ tio sekvas sen ribelo |
| ĉiam novaj, blinde obeemaj sklavoj. |
| Pli kruelan, ol la famaj uzurpantoj |
| vi alportis al ni en la mondon moron: |
| ili piedbatis homajn liberecojn, |
| de la landoj ŝiris partojn, limojn, pecojn, |
| sed vi ŝiras el la brustoj nian koron. |
| Author of this Esperanto poem is Stanislaw Schulhof (*1864-11-12 - †1919-08-18). Tiu ĉi poemo troviĝas en http://www.tekstoj.nl/lm/lm22-2/bibliografio.html. Pri la verkinto vidu la retejon http://eo.wikipedia.org/wiki/Stanislav_Schulhof. Pri la poezia verko de S. Schulhof legu ankaŭ: http://www.tekstoj.nl/lm/lm22-2/bibliografio.html. La poemo estas legebla ankaŭ en http://eo.wikisource.org/wiki/Kanto_de_l'_Sklavo. |