| eksporti for presado: vertikala formato (PDF)
kverformato (PDF)
| montru nur la normajn formatojn
aldonaj eksport-formatoj: simpla teksto LaTeX LaTeX kverformato DVI DVI kverformato Postskripto Postskripto kverformato | [aldonu al libro] [estingu la libro] |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Manfred Retzlaff | Morto de kolonelo | Esperanto | 1984-01-30 | Arg-1519-756 | MR-080-3 | 2013-01-04 16:24 Manfred | nur tiun forigu |
| Adam Mickiewicz | * Śmierć pułkownika | Pola | 1832 | Arg-1518-756 | 2013-01-04 16:29 Manfred | nur tiun aldonu |
Adam Mickiewicz, |
| tradukita de Manfred Retzlaff |
| En arbaro, ĉe dom' de forstisto, |
| Estis ar' de pafistoj staranta, |
| Ĉe la pord' kolonela gardisto, |
| En la dom' kolonelo mortanta. |
| Homoj el la vilĝoj kuniris, |
| Armeestron ĉi tiun konantaj, |
| Ties forton kaj gloron admiris, |
| Pri la sort' de ĉi tiu plorantaj. |
| Tiu sian ĉevalon seligis, |
| La ĉevalon tre riĉan je gloro, |
| En la domon ĝin enkondukigis, |
| Por ĝin vidi en sia mort-horo. |
| Ankaŭ la uniformon alporti |
| Li ordonis kaj sian pafaĵon, |
| Volis li kiel soldato ne morti, |
| Ne vidinte plu sian armaĵon. |
| La ĉevalo jam enkondukiĝis, |
| Kiam pastro la domon eniris, |
| Ĉiu hom' pro bedaŭro paliĝis, |
| Surgenue preĝ-vortojn ekdiris. |
| Eĉ maljunaj soldatoj plorantaj, |
| Kiuj tiom da sango fluigis, |
| Senkompate aliajn plorigis, |
| Estis nun siajn manojn faldantaj. |
| Sonoriloj eksonis, matenis; |
| Estis la soldatar' jam irinta; |
| Homoj, vidi la korpon alvenis, |
| Tiun de l' kavaliro mortinta. |
| Kuŝis li sur la lito paŝtista, |
| Kun la kruc' en la manoj, kun selo |
| Sia, sia pafil' kaj mantelo, |
| En la verda vestaĵo pafista. |
| Tamen - kian knabinan vizaĝon |
| Tiu havis kaj kian jun-aĝon! |
| Estis tiu ĉi bela virino |
| Emilia Plater', heroino.1) |
| Traduko de la Pola poemo "Śmierć pułkownika" de Adam Mickiewicz (Adamo Mickjeviĉo, *1789 - †1855) en Esperanton de Manfred Retzlaff (*1938-11-04) en 1984-01-30. Mi, Manfred Retzlaff, tradukis tiun ĉi polan poemon kun la helpo de s-ino Elżbieta Klünder (14.03.1954 - 22.04.2002). Vidu ankaŭ: http://www.ek-stiftung.de/Deutsch/Leben.html. |
| 1) aŭ:\\De l' nacia ribel' heroino. |