Johann Wolfgang von Goethe,
Al la forulino |
| |
| tradukita de Lorenz Urbano |
| |
| Ĉu perdis mi vin, belulino? |
| Ĉu via fuĝo — mia sort'? |
| Ankoraŭ sonas laŭ rutino |
| En la oreloj ĉiu vort'. |
| |
| Kaj kiel al ĉiel' matene |
| Rigardas vane la migrant', |
| Se alte tra l' aer' serene |
| Eksonas la alaŭda kant': |
| |
| Mi same ĉien en la landoj |
| Rigardas ofte kun pasi'; |
| Vin vokas ĉiuj miaj kantoj: |
| Revenu, amatin', al mi! |
| |
Traduko de la Germana poemo "An die
Entfernte" de Johann Wolfgang von Goethe
(*1749-08-28 - †1832-03-22) en
Esperanton de Lorenz Urbano (civila nomo:
Heinrich Lorenz, *1902 - †1980).
Pri la tradukinto vidu la retejon .
Lia civila nomo estis "Heinrich Lorenz",
li vivis de 1902 ĝis 1980. |
