| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Mark Twain | The Lorelei | Angla | Arg-11-2 | 2003-10-13 04:42 mgr | nur tiun aldonu | |
| L. W. Garnham | The Lorelei | Angla | Arg-14-2 | 2003-10-11 23:04 mgr | nur tiun aldonu | |
| Paul Gottfried Christaller | [Ne scias mi, kio okazis] | Esperanto | Arg-1116-2 | 2010-09-13 10:03 Manfred | nur tiun forigu | |
| N. N. 01 | Lurleia | Latina | Arg-179-2 | 2010-02-11 14:00 Manfred | nur tiun aldonu | |
| Joachim Gießner | Lorelejo | Esperanto | Arg-1115-2 | 2010-09-15 12:51 Manfred | nur tiun forigu | |
| Leopold Elb | Lorelej' | Esperanto | Arg-71-2 | 2005-02-03 19:06 Manfred | nur tiun forigu | |
| Ludwig Lazarus Zamenhof | Lorelej | Esperanto | Arg-565-2 | 2009-10-30 16:15 mgr | nur tiun aldonu | |
| Hans-Georg Kaiser | Lorelay | Esperanto | Arg-564-2 | 2005-02-03 19:18 Manfred | nur tiun forigu | |
| Heinrich Heine | * Die Lorelei | Germana | 1823 | Arg-2-2 | 2014-04-23 18:09 Manfred | nur tiun forigu |
Heinrich Heine, | Heinrich Heine, | Heinrich Heine, | Heinrich Heine, | Heinrich Heine, | ||||
| tradukita de Joachim Gießner | tradukita de Hans-Georg Kaiser | tradukita de Leopold Elb | tradukita de Paul Gottfried Christaller | |||||
| Tiu traduko estas poste iom modifita de aliuloj, ne estas la origina traduk-versio de Leopold Elb. | El la "Libro de la kantoj", parto "La Reveno". | |||||||
| Malgajon mi sentas en koro, | Min kaptas malgaj' en la koro, | Ne scias mi, kial mi estas | Ich weiß nicht, was soll es bedeuten, | Ne scias mi, kio okazis | ||||
| sed kial tia tim'? | pro kio tia trist'? | Malgaja en la kor’. | daß ich so traurig bin; | al mia tristema kor': | ||||
| Legendo el pratempa foro | Fabel' el antikva foro | Antikva fabelo restas | ein Märchen aus alten Zeiten, | Antikva legendo min kaptis, | ||||
| Vagadas tra mia anim'. | ne lasas de mi kun persist'. | Por ĉiam en mia memor’. | das kommt mir nicht aus dem Sinn. | ne cedas el mia memor'. | ||||
| Jam fluas la Rejn' en malhelo, | Aere fridetas, trankvilas, | Vespero jam ekmalheliĝas, | Die Luft ist kühl und es dunkelt, | La Rejno fluadas trankvile | ||||
| kaj malvarmetas l' aer'. | malhelas jam la Rejn'. | Fluadas la Rejn’ en trankvil’, | und ruhig fließt der Rhein; | murmuras kiel mister', | ||||
| Sed brilas la mont' en orbelo | La monto surpinte brilas | La supro de l’ monto lumiĝas | der Gipfel des Berges funkelt | la supron ŝtonegan orumas | ||||
| pro suna lum' de l' vesper'. | vespere en rava scen'. | En vespersuna bril’. | im Abendsonnenschein. | sunbriloj de la vesper'. | ||||
| Jen supre kabino provokas | Tre ĉarma feino sidas, | Belega knabino jen tronas | Die schönste Jungfrau sitzet | Plej bela virgino jen sidas | ||||
| per ora juvelar', | jen supre por ador'; | Kun ora juvelar’, | dort oben wunderbar, | mirinda sur la montet' | ||||
| kaj ŝia beleco allogas | la ora ornamo ridas; | La belan vizaĝon kronas | ihr goldnes Geschmeide blitzet, | kaj ŝia oraĵo radias, 1) | ||||
| kaj ŝia ora harar'. | ŝi kombas harojn el or'. | Mirinde la ora harar’. | sie kämmt ihr goldenes Haar. | ŝi logas kiel magnet'. | ||||
| Ŝi kombas ĝin, kantas sorĉige, | Ŝi kombas per ora kombilo | Ŝi uzas kombilon el oro | Sie kämmt es mit goldenem Kamme, | Ŝi kombas la oran hararon | ||||
| sirene kantas ŝi | kaj kantas kun pasi'; | Kaj dume kantas ŝi. | und singt ein Lied dabei; | abundan per ora kombil', | ||||
| per neimagebla, mirige | mirigas min la elbrilo | Mirige tuŝas al koro | das hat eine wundersame, | kantante misteran lidon, 2) | ||||
| potenca melodi'. | kaj forto de l' melodi'. | Sorĉiga la melodi’. | gewaltige Melodei. | ravantan kiel sunbril'. | ||||
| Ŝipiston en eta boato | Ŝipisto ŝipeton gvidas, | Kaj sopiregon eksentas | Den Schiffer im kleinen Schiffe | Ŝipisto en sia ŝipeto | ||||
| Turmentas koremoci'. | lin kaptas ve' de ekzalt'. | Ŝipisto dum sia vetur’; | ergreift es mit wildem Weh; | kaptiĝas per stranga dolor', | ||||
| Ne ĝenas lin rifo-kaskado, | Li ja la rifojn ne vidas', | Rifaron li ne priatentas, | er schaut nicht die Felsenriffe, | la rifon li tute ignoras. | ||||
| rigardas nur supren al ŝi! | li vidas nur supren sen halt'. | Al monto rigardas li nur. | er schaut nur hinauf in die Höh. | atentas nur ŝin kun fervor'. | ||||
| Ĝis tiras kun si al Rejn-fundo | Mi kredas, ke ondoj tiras | Mi kredas, ke dronos finfine | Ich glaube, die Wellen verschlingen | Mi kredas: la ondoj englutas 3) | ||||
| la ondoj lin kun boat'. | la ŝipon funden de l' Rejn'; | Ŝipisto kun sia boat’, | am Ende Schiffer und Kahn; | ŝipiston, ŝipeton je l' fin', | ||||
| Nun kuŝas li en la profundo | kaj tio de l' kant' eliras | Kaj tion kaŭzis feine | und das hat mit ihrem Singen | kaj kulpa pri tio nur estas | ||||
| pro Loreleja kantad'. | de Lorelaj-siren'. | La Loreleja kantad’. | die Lorelei getan. | kantado de la virin'. | ||||
| Traduko de la Germana poemo "Die Lorelei" de Heinrich Heine (*1797-12-13 - †1856-02-17) en Esperanton de Joachim Gießner (*1913-12-23 - †2003-11-25). Tiu ĉi poem-traduko aperis en la kant-kolekto "Mia kantaro I", eldonita de Josef Schiffer (Wilstorfstr. 58, D-78050 Villingen-Schwenningen, Germanio, tel. 0049(0)7721-58991; faks. 0049(0)7721-508891, ret-adreso: Josef.Schiffer@t-online.de ), n-ro 30. Krome ĝi aperis en la informilo "Fervoja Esperantisto" de Germana Ferjojista Esperanto-Asocio, n-ro 3/2010, sur paĝo3. | Traduko de la Germana poemo "Die Lorelei" de Heinrich Heine (*1797-12-13 - †1856-02-17) en Esperanton de Hans-Georg Kaiser (Cezar, *1954-05-21). | Traduko de la Germana poemo "Die Lorelei" de Heinrich Heine (*1797-12-13 - †1856-02-17) en Esperanton de Leopold Elb (†1912-08.04). La traduko troviĝas sur paĝo 84 de la lernolibro „Post la kurso“ de Wilhelm kaj Hans Wingen, eldonita de Ludwig Pickel en Nurembergo (Nürnberg), Germanio. | Verkinto de tiu ĉi Germana poemo estas Heinrich Heine (*1797-12-13 - †1856-02-17), publikigita 1823. Aus dem Werk "Buch der Lieder", Kapitel "Die Heimkehr", Abschnitt II. Siehe auch ein http://gutenberg.spiegel.de unter: http://gutenberg.spiegel.de/?id=5&x d=1131&kapitel=12&cHash=eb14eca2272#gb_found. Vidu ankaŭ: http://www.gedichte.vu/?die_lorelei.html. La melodion verkis la komponisto Friedrich Silcher. Vidu la retejon http://www.lieder-archiv.de/die_lorelei-notenblatt_300493.html. | Traduko de la Germana poemo "Die Lorelei" de Heinrich Heine (*1797-12-13 - †1856-02-17) en Esperanton de Paul Gottfried Christaller (*1860-08-21 - †1950-12-31). Mi, Manfred Retzlaff, kopiis tiun ĉi tradukon el la libreto "H. Heine - Libro de Kantoj", eldonita en 1911 de la "Esperanto-Propaganda Instituto" (Leipzig, Kaiser-Wilhelm-Str.15), 2a eldono. [Sur la frontpaĝo de la kajero estas malsupre indikita ankaŭ: Eldonejo Rothermel, Friedrichswerth (Thüringen) kaj supre: Popola Biblioteko Esperantista n-ro 2.] Die deutsche Urfassung von Heinrich Heine siehe: "Buch der Lieder", Abscbnitt "Die Heimkehr". - Informoj pri la tradukinto Paul Christaller troviĝas en la vikipedia retejo http://de.wikipedia.org/wiki/Paul_Gottfried_Christaller, kun foto de li. | ||||
| 1) En la sube menciita kajero, el kiu mi, Manfred Retzlaff, kopiis tiun ĉi esperantigon, la linio tekstas: "kaj sia oraĵo radias", kun "sia" anstataŭ "ŝia"'. Tio ŝajne estas aŭ pres-eraro aŭ gramatika eraro de la tradukinto. | ||||||||
| 2) En la origina versio troviĝas tie ĉi la vorto "liedon", kio estas aŭ pres-eraro aŭ neologismo inventita de la tradukinto Paul Christaller. | ||||||||
| 3) Mi, Manfred Retzlaff, enmetis la duoblan punkton post la vorto "kredas". Ĝi mankas en la origina traduko de Paul Christaller. |