| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Alfred Conzeth | Teksista kanto | Esperanto | Arg-492-243 | 2004-06-02 21:43 Manfred | nur tiun forigu | |
| Manfredo Ratislavo | Teksista kanto | Esperanto | Arg-491-243 | 2005-11-20 18:13 Manfred | nur tiun aldonu | |
| Heinrich Heine | * Die schlesischen Weber | Germana | Arg-490-243 | 2005-11-20 17:47 Manfred | nur tiun aldonu |
Heinrich Heine, |
| tradukita de Alfred Conzeth |
| Nenia larmeto en sombraj okuloj, |
| Jen sidas teksistoj, mizeraj povruloj; |
| Germana Praregno, mort-tukon ni teksas, |
| Kaj en ĝin trioblan malbenon ni plektas. |
| Ni teksas, ni teksas! |
| Malbenon al Dio, la blinda, la surda, |
| Al kiu ni preĝis en kredo absurda. |
| Ni vane esperis, ni vane predikis - |
| Li trompis simie, nin eĉ mistifikis. |
| Ni teksas, ni teksas! |
| Malbenon al Reĝo, al reĝ' de riĉuloj, |
| Ne vidas suferon de ni mizeruloj, |
| Li premas el ni ja la lastan et-pundon |
| Kaj lasas mortigi nin kiel fi-hundon. |
| Ni teksas, ni teksas! |
| Malbenon al nia Patrujo maljusta, |
| Jen kie prosperas nur trompo embuska, |
| Jen kie ĉe putro nur morta kaduko; |
| Germana Praregno, jen via mort-tuko! |
| Ni teksas, ni teksas! |
| Traduko de la Germana poemo "Die schlesischen Weber" de Heinrich Heine (*1797-12-13 - †1856-02-17) en Esperanton de Alfred Conzeth (*1913-12-08 - †1998-05-16). Alfred Conzeth vivis en Mettmann ĉe la germana urbo Düsseldorf. Li estis profesia presisisto kaj korektisto ĉe la eldonejo Droste en Düsseldorf. Li mem eldonis Esperanto-broŝurojn kaj diversajn tradukojn kaj tradukis ankaŭ mem. Li estis dum multaj jaroj la eldonisto de la informilo de la Esperanto-Societo de Düsseldorf, la "Radsaltanto". [Laŭ informo el la libro "Esperanto - ein Ausweg aus Babylon? 95 Jahre Esperanto in Düsseldorf", eldonita en 2002 de Edeltraud kaj Max Hans-Jürgen Mattusch kunlabore kun la Esperanto-Societo Düsseldorf] |