| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Peter Huchel | * Wilde Kastanie | Germana | Arg-577-284 | 2005-02-12 23:29 Manfred | nur tiun aldonu | |
| Manfredo Ratislavo | Sovaĝa kaŝtano | Esperanto | 2004-06-02 | Arg-578-284 | MR-420-1a | 2005-02-12 23:29 Manfred | nur tiun forigu |
Peter Huchel, |
| tradukita de Manfredo Ratislavo |
| Ĝi ne manĝeblas, sed ĝi knalas, |
| se oni enfajrigas ĝin; |
| aŭtune, kiam ĝi defalas, |
| infanoj por ĝi klinas sin. |
| Ĝi pendas en pikila ŝelo, |
| tro fore por malgranda man’, |
| ŝirmite sub folia stelo, |
| ne povas pluki ĝin infan’. |
| Sed kiam en aŭtun-vetero |
| ŝtorm’ skuas arbojn ĝis kulmin’, |
| kaj araneoj tra l’ aero |
| de l’ vento forportigas sin, |
| eksaltas pilkoj de kaŝtano |
| de ĉiuj branĉoj de l’ ale’, |
| pelite de la venta mano |
| ruliĝas jen sur la ŝose’. |
| Traduko de la Germana poemo "Wilde Kastanie" de Peter Huchel (*1903-04-03 - †1981-04-30) en Esperanton de Manfredo Ratislavo (Manfred Retzlaff, Stettiner Str. 16, D-59302 Oelde, Germanio, *1938-11-04) en 2004-06-02. |