| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| William Wordsworth | * The Daffodils | Angla | Arg-73-39 | 2003-10-17 22:02 mgr | nur tiun aldonu | |
| Manfredo Ratislavo | La narcisoj | Esperanto | 1997-03.12 | Arg-74-39 | 2014-09-02 14:14 Manfred | nur tiun forigu |
| Hans Hennecke | Die Narzissen [-] | Germana | Arg-75-39 | 2004-02-01 18:36 Manfred | nur tiun aldonu | |
| Krys Ungar | Dafodiloj | Esperanto | Arg-632-39 | 2009-09-20 15:01 Manfred | nur tiun forigu |
William Wordsworth, | William Wordsworth, | |
| tradukita de Krys Ungar | tradukita de Manfredo Ratislavo | |
| Mi vagis sola kiel nub' | Migrante super mont’ kaj val’ | |
| Altflosas super la kampar' | samkiel nubo ĉe l’ ĉiel’, | |
| Kaj tiam tuj aperis trup' | subite mi ekvenis al | |
| De dafodiloj; ora ar' | narcisa kamp’ kun ora bel’, | |
| Apud la lag', sub arba tend' | jen apud lago, ĉe arbar’ | |
| Flirtis kaj dancis en la vent'. | en briz’ ondanta kiel mar’. | |
| Senbreĉe kiel astra bril' | Seninterrompe kiel la | |
| Sur Lakta Voj' flagretas, jen | stelaroj de la galakci’ | |
| Sterniĝis ili en defil' | etendis plurdekmiloj da | |
| Senfine laŭ la laghaven'. | ĉi tiuj floroj en lini’ | |
| Rigardon kaptis la balanc' | laŭlonge de l’ lagbordo sin, | |
| De dekmil kapoj en la danc'. | en longaj vicoj kaj sen fin’. | |
| Apudaj ondoj dancis, sed | La ondoj dancis, la brilet’ | |
| Triumfon gajnis floroj ĉi, | de l’ floroj min impresis pli; | |
| Devigis gajon de poet' | ja devas ĝoji la poet’ | |
| Plej joviala kompani': | en tia ĉarma kompani’. | |
| Mi rigardadis sen atent', | Rigardis kaj rigardis mi | |
| Ke min riĉigos la prezent'. | kaj min riĉigis tio ĉi. | |
| Ĉar ofte, kiam kuŝas mi | Ĉar ofte, kiam kuŝas mi | |
| Penseme, aŭ en menslangvor', | trankvile sur la sofo re- | |
| Ekfulmas ili tra l' konsci' - | aperas tiu bildo ĉi, | |
| La beno de solema hor'; | kaj tiam reokazas, ke | |
| La koro pro pleniga ĝu' | ekĝojas mia kor’ en mi, | |
| Kun dafodiloj dancas plu. | kun la narcisoj dancas ĝi. | |
| Traduko de la Angla poemo "The Daffodils" de William Wordsworth (*1770 - †1850) en Esperanton de Krys Ungar (Krys Bottrill). | Traduko de la Angla poemo "The Daffodils" de William Wordsworth (*1770 - †1850) en Esperanton de Manfredo Ratislavo (Manfred Retzlaff, Stettiner Str. 16, D-59302 Oelde, Germanio, *1938-11-04) en 1997-03.12. Verkita de la poeto Vordzvorto, Vilhelmo (1770 - 1850). Esperantigis: Manfredo Ratislavo (Manfred Retzlaff) en 1997-03-09 laŭ la origina anglalingva teksto. |