| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Karl Jost | Kanto de la spiritoj super la akvoj | Esperanto | Arg-989-504 | 2010-01-11 12:54 Manfred | nur tiun forigu | |
| Willy Nüesch | Kanto de la spiritoj super la akvoj | Esperanto | Arg-1025-504 | 2013-08-28 18:48 Manfred | nur tiun aldonu | |
| Johann Wolfgang von Goethe | * Gesang der Geister über den Wassern | Germana | Arg-988-504 | 2010-01-10 17:18 Manfred | nur tiun aldonu |
Johann Wolfgang von Goethe, |
| tradukita de Karl Jost |
| La homa animo |
| similas al akvo, |
| de l' ĉielo ĝi venas, |
| al ĉielo ĝi iras, |
| kaj devas denove |
| reveni al tero, |
| daŭre ŝanĝante. |
| Torente de l' alta |
| kruta rokvando |
| pura la akvo |
| ĉarme disŝprucas |
| je nubondoj |
| sur glatan rokon, |
| kaj facilkviete |
| fluas nubvuale, |
| murmure |
| en la profundon. |
| Se staras rifoj |
| al falo kontraŭe, |
| ĝi ŝaŭmas kolere, |
| ŝtup-al-ŝtupe |
| abismen. |
| Nun malrapide |
| ĝi trarampas la valon, |
| kaj en glata la lag' |
| respegulas sin. |
| ĉiuj la astroj. |
| Vent' estas al ondo |
| ĉarma kunulo; |
| vent' kirlas el fundo |
| ŝaŭmantajn ondegojn. |
| Animo de l' homo, |
| vi similas al akvo! |
| Sorto de l' homo, |
| al vent' similas ja vi. |
| Traduko de la Germana poemo "Gesang der Geister über den Wassern" de Johann Wolfgang von Goethe (*1749-08-28 - †1832-03-22) en Esperanton de Karl Jost (*1876 - †1952). Tiu ĉi traduko troviĝas en la revuo "Heroldo de Esperanto", n-ro 9 (1144), 27-a jarkolekto, de l' 1-a de junio 1951. Vidu ankaŭ la retejon http://www.literaturo.dk/spiritoj.htm. S-ro Lars Kromann (Stenbrydervej 6, Værløse, DK-4640 Fakse, Danio, lars.kromann@mail.dk) enmetis ĝin tien. Karl Jost estis tre aktiva Esperantisto loĝinta en la svisa urbo Zuriko. Li estis kunfondinto de la Zurika Esperanto-Societo kaj verkis multajn tradukojn, lerno-libron de Esperanto kaj aliajn Esperantaĵojn. Vidu ankaŭ la retejon www.planlingvoj.ch |