| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Manfred Retzlaff | La postiljono | Esperanto | 1984 | Arg-1264-625 | MR154-2 | 2014-08-27 13:27 Manfred | nur tiun forigu |
| Nikolaus Lenau | * Der Postillon | Germana | Arg-1263-625 | 2012-10-24 22:34 Manfred | nur tiun aldonu |
Nikolaus Lenau, |
| tradukita de Manfred Retzlaff |
| Ĉarma estis nokt’ de Maj’, |
| nuboj de arĝento |
| flugis ĉe l’ ĉielo kaj1) |
| blovis varma vento. |
| Ekdorminte kuŝis nun |
| voj’ kaj strato ĉiu; |
| noktogardis nur la lun’ |
| kaj krom ĝi neniu. |
| Kaj trankvile tra l’ kampar’ |
| iris la aero, |
| kie dormis la idar’ |
| de la primavero. |
| Nur la rivereto sen |
| bruo fluis tie, |
| kaj odoris floroj jen, |
| sonĝe idilie. |
| Postiljono krudis pli, |
| vipon li knaligis, |
| lian kornon laŭte li |
| tra la val’ sonigis. |
| Sonis de l’ ĉevaloj kvar, |
| dum la veturado, |
| tra floranta la kampar’ |
| gaja huffrapado. |
| Preterflugis la pejzaĝ’, |
| kiam ni rapidis, |
| ke la pacon de l’ vilaĝ’ |
| mi apenau vidis. |
| Preterrapidante mi |
| vidis che preĝejo, |
| ke en maj-feliĉo ĉi |
| kushis jen tombejo. |
| Staris alte super ni, |
| ĉe dekliva vojo, |
| pala kruco-bild’ de Di’, |
| mute en malĝojo. |
| Kaj la postiljon’ malpli |
| gaja nun fariĝis, |
| la ĉevalojn igis li |
| halti kaj mutiĝis. |
| „Halti devas tie ĉi |
| ja ĉeval’ kaj rado; |
| ĉar jen kuŝas“, diris li, |
| „mia kamarado. |
| Estas tre domaĝe, ke |
| kuŝas li entere. |
| Estis li ja kara tre, |
| ho sinjoro, vere! |
| Devas halti ĉiam mi |
| en ĉi tiu loko, |
| lin saluti tie ĉi |
| frate per korn-voko!“ |
| Gajan kanton sendis li |
| per la korn-blovado, |
| por ke trapenetru ĝi |
| al la kamarado. |
| Kvazaŭ respondado de |
| jena kamarado |
| sonis de la monto re |
| lia korn-blovado. - |
| Lante pluveturis ni, |
| kaj blovado lia, |
| longe postsonoris ghi |
| en orelo mia. |
| Traduko de la Germana poemo "Der Postillon" de Nikolaus Lenau (*1802-08.13 - †1850-08-22) en Esperanton de Manfred Retzlaff (*1938-11-04) en 1984. |
| 1) aŭ: flugis surĉiele kaj |