| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Manfred Retzlaff | Tie kie la suno kisas la maron | Esperanto | Arg-1482-734 | 2012-12-28 18:03 Manfred | nur tiun forigu | |
| Emmy Lang | * Dort wo die Sonne küsst das Meer | Germana | Arg-1481-734 | 2012-12-28 18:12 Manfred | nur tiun aldonu |
Emmy Lang, |
| tradukita de Manfred Retzlaff |
| La Sun' la maron delikate kisas jen, |
| karesas milde ĝiaj ondoj vangojn ŝiajn; |
| ankoraŭ devas bridi ŝi dezirojn iajn, |
| en ĝin mergiĝi por la nokto, en malplen' |
| lasante sian spacon enĉielan, kie |
| la luno kaj la steloj brilas idilie, |
| apenaŭ anstataŭigante forton ŝian. - |
| Ravite spektas ni la ludon, la genian. |
| Sed baldaŭ post tenera intertuŝo ĉi |
| ensinkas la amantoj unu en alian; |
| dronante malaperas en abismon ian |
| la tago, kiun tiras suben ŝi kun si. |
| Atestas nokto nur pri l' ama interago, |
| kaj tiuj horoj, kiuj mortis kun la tago, |
| forsinkas ĉe la nigra limo horizonta, |
| revenas ili kun aŭror' de l' tag' venonta. |
| Traduko de la Germana poemo "Dort wo die Sonne küsst das Meer" de Emmy Lang (*1914-01-05 - †1944-11-21) en Esperanton de Manfred Retzlaff (*1938-11-04). |