| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Jacques Tuinder | * Vojon ekiru | Esperanto | Arg-1945-965 | 2014-02-04 23:08 Manfred | nur tiun forigu |
Jacques Tuinder, |
| La mond-karavano |
| Vojon ekiru al |
| land' saturita de beno. |
| Revas mil miloj |
| sur vojo pri festa alveno. |
| Se pezas man', |
| helpos vin samidean': |
| Kunas ja kor' kun kompreno. |
| Urĝas tra montoj, en |
| valoj, kuraĝo kaj rido. |
| Lingvo komuna vin |
| ligas, fratec', forta fido. |
| En ĉies man' |
| glaso plenplena kaj pan': |
| Vi nur disdonu, homido. |
| Ĉerpu esperon el spert' |
| kaj inspiraj rakontoj. |
| Vin bonvenigas hejmlando; |
| jam freŝas la fontoj. |
| Do, man' en man' |
| marŝu la mond-karavan': |
| Ravos vin verd', horizontoj. |
| Dion kun homoj en paca |
| pilgrimo adoru. |
| Ankaŭ dum ploras l'animo, |
| kantante Lin gloru. |
| Sub Lia man' |
| mildas eĉ morto, malsan': |
| Venu, ho Regno, aŭroru. |
| Verkinto de tiu ĉi Esperanta poemo estas Jacques Tuinder. Tiu ĉi kanto aperis en la revuo "Dia Regno", n-ro 4(901), en la jaro 2013. La subtitolon "La mond-karavano" aldonis Albrecht Kronenberger. Ĝi estas kanteble laŭ la kristana religia kanto "Lobe den Herren". Pri la verkinto vidu la retejon http://eo.wikipedia.org/wiki/Jacques_Tuinder. |