| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Albrecht Kronenberger | Jen esti hejme mia vol' | Esperanto | 2014-01-26 | Arg-1958-972 | 2014-03-08 14:30 Manfred | nur tiun forigu |
| Heinrich von Laufenberg | * Ich wollt', dass ich daheime wär' | Germana | Arg-1957-972 | 2014-03-08 14:28 Manfred | nur tiun aldonu |
Heinrich von Laufenberg, |
| tradukita de Albrecht Kronenberger |
| 1. Jen, esti hejme mia vol' |
| kaj for de l' vana mond-konsol'. |
| 2. La hejmo estas la ĉiel', |
| kaj Dion vidi mia cel'. |
| 3. Nun ek, animo, al prepar'! |
| Atendas vin la anĝelar'. |
| 4. Tro etas eĉ la tuta mond' |
| kompare al ĉiela rond'. |
| 5. Ĉiele estos viv' sen mort', |
| nur ĝoj', kaj sano sen malfort'. |
| 6. Mil jaroj estas unu tag', |
| sen pek', ĉagren' aŭ ajna plag'. |
| 7. La Bonon super ĉia bon' |
| vi serĉu ĉe la Dia tron'. |
| 8. Alia bon': nur eta rav'. |
| Ek! Hejmen do! Al via sav'! |
| 9. Ĉu morgaŭ? Ĉu hodiaŭ jam? |
| Ne gravas! Gravas nur la Am'. |
| 10. Restados vi neniel ajn. |
| Do fuĝu el ĉi trompa ŝajn'. |
| 11. Vi pentu, amu kun fidel', |
| kaj pretu iri al ĉiel'. |
| 12. Adiaŭ mond'! Vin benu Di'. |
| Ĉielen nun foriras mi. |
| Traduko de la Germana poemo "Ich wollt', dass ich daheime wär'" de Heinrich von Laufenberg (*1390 - †1460-03-31) en Esperanton de Albrecht Kronenberger (*1940-01-21) en 2014-01-26. Tiu ĉi teksto troviĝis presita en "Dia Regno", n-ro 1 (904) de la jaro 2014. Ĝi estas kantebla laŭ melodio el la jaro 1430. Pri la tradukinto vidu la retejon http://de.wikipedia.org/wiki/Albrecht_Kronenberger. |