| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Manfredo Ratislavo | Du fratoj | Esperanto | 1984-01-27 | Arg-420-213 | MR-119-1 | 2004-03-14 13:39 Manfred | nur tiun forigu |
| Heinrich Heine | * Zwei Brüder | Germana | 1817-1821 | Arg-419-213 | 2004-03-14 13:34 Manfred | nur tiun aldonu |
Heinrich Heine, |
| tradukita de Manfredo Ratislavo |
| Sur la monta pint’ situas |
| Noktvelite la kastel’; |
| Sed envale triste bruas |
| Fulmaj glavoj en malhel’. |
| Estas fratoj batalantaj |
| Furioze en duel’, |
| Per la glavoj sin batantaj. |
| Kial tiu ĉi kverel’? |
| La kverelo incendiĝis |
| Per rigardo de grafin’; |
| Ambaŭ arde enamiĝis |
| Al la bela nobelin’. |
| Sed al kiu el la fratoj |
| Ŝia kor’ alturnu sin? |
| Cerbumado ne, nur batoj |
| De la glav’ decidos ĝin! |
| Estas ili skermadantaj |
| Furioze kontraŭ sin. |
| Gardu vin, ĉar kaŝ-irantaj |
| Fi-demonoj trompos vin! |
| Ve, vi sangaj uloj frataj! |
| Ve, vi sang-avida val’! |
| Ambaŭ estas mortigataj |
| De la aliula ŝtal’. |
| Forbloviĝis la jarcentoj |
| Post terura la duel’; |
| Entombiĝis multaj gentoj, |
| Ruiniĝis la kastel’. |
| Sed en jena val’ senbrua |
| Dum la nokto demonar’ |
| Ĉirkaŭiras, je l’ dekdua |
| Ekbatalas la frat-par’. |
| Traduko de la Germana poemo "Zwei Brüder" de Heinrich Heine (*1797-12-13 - †1856-02-17) en Esperanton de Manfredo Ratislavo (Manfred Retzlaff, Stettiner Str. 16, D-59302 Oelde, Germanio, *1938-11-04) en 1984-01-27. La poemo troviĝas en la „Libro de la kantoj“, sekcio „Junaĝaj suferoj – romancoj“, n-ro III. |