| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Ludvig Bødtcher | * Fredensborg | Danish | Arg-476-238 | 2004-05-17 16:29 Manfred | nur tiun aldonu | |
| Manfredo Ratislavo | Fredensborg | Esperanto | 1984-09 | Arg-477-238 | MR-156-2 | 2004-05-17 16:13 Manfred | nur tiun forigu |
Ludvig Bødtcher, |
| tradukita de Manfredo Ratislavo |
| Se nebuliĝas la racio |
| kaj superŝaŭmas en mi ĉio, |
| ho, Fredensborg’, min tiru vi |
| en vian pacon, ke mildiĝu |
| kaj enarbare rekalmiĝu |
| la ŝtormo de l’ junec’ en mi! |
| Se ronĝas min ĉagren-doloro |
| mortige, mute en la koro, |
| mi ree fuĝas serĉi vin, |
| iradi tra la verdaj haloj, |
| ĝis viaj ravaj najtingaloj |
| per sia kant’ plorigis min.1) |
| Nur vi en miaj pensoj ĉiam |
| vivadu, ĝis elbatos iam |
| la kor’ en mi, sen ĝoj’ kaj zorg’! |
| Ĝis mutos birdoj sur la kverko |
| kaj iĝos el la ligno ĉerko |
| kaj tombo – mia Fredensborg’!2) |
| Traduko de la Dana poemo "Fredensborg" de Ludvig Bødtcher (*1793-04-22 - †1874-10-01) en Esperanton de Manfredo Ratislavo (Manfred Retzlaff, Stettiner Str. 16, D-59302 Oelde, Germanio, *1938-11-04) en 1984-09. |
| 1) aŭ eble: plorsolve resanigis min. |
| 2) La dana vorto „Fredensborg“ signifas „pac-kastel’“-on. Ĝi estas reĝa kastelo kaj parko situanta sur la insulo Zelando ne malproksime de la dana ĉefurbo Kopenhago. |