| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Heinrich Heine | * Die schlesischen Weber | Germana | Arg-490-243 | 2005-11-20 17:47 Manfred | nur tiun aldonu | |
| Alfred Conzeth | Teksista kanto | Esperanto | Arg-492-243 | 2004-06-02 21:43 Manfred | nur tiun aldonu | |
| Manfredo Ratislavo | Teksista kanto | Esperanto | Arg-491-243 | 2005-11-20 18:13 Manfred | nur tiun forigu |
Heinrich Heine, |
| tradukita de Manfredo Ratislavo |
| Ĉe siaj teksiloj la dentojn grincante |
| Sidadas teksistoj jen, ne plorante: |
| Ni teksas trioblan malbenon por vi |
| En vian morttukon, Germani’. |
| Ni teksas, ni teksas! |
| Malbenon al tiu ĉi surda Dio, |
| Infane ni kredis je la religio. |
| Ja vane esperis, atendis ni, |
| Simiumis kaj mistifikis nin Li. |
| Ni teksas, ni teksas! |
| Malbenon al tiu fireĝ’ de l’ riĉuloj, |
| Kiu ne kompatis je ni mizeruloj, |
| Ĉantaĝas la lastajn groŝojn el ni, |
| Kiel hundojn nin pafmortigigas li. |
| Ni teksas, ni teksas! |
| Malbenon al tiu ĉi falsa patrio, |
| Kie nur prosperas la koterio, |
| Kie estas rompata ĉiu juna flor’,1) |
| Kie regas de l’ putro la odor’ - |
| Ni teksas, ni teksas! |
| Navedo flugas kaj krakas teksil’, |
| Ni teksas senlace dum nokta trankvil’ – |
| Morttukon ni teksas, Germanujo, por vi,2) |
| Enteksas trioblan malbenon ni, |
| Ni teksas, ni teksas! |
| Traduko de la Germana poemo "Die schlesischen Weber" de Heinrich Heine (*1797-12-13 - †1856-02-17) en Esperanton de Manfredo Ratislavo (Manfred Retzlaff, Stettiner Str. 16, D-59302 Oelde, Germanio, *1938-11-04). Esperantigita de Manfredo Ratislavo (Manfred Retzlaff) en 2001-04-08 laŭ la germanalingva teksto, kiu post la publikigo de la unua versio en la revuo “Vorwärts!” (= “Antaŭen!”), eldonita de germanaj fuĝintoj, estis diskonigita en Germanio sur flugfolioj. En tiu flugfolia versio la poemo havis la titolon “Weberlied” (= “Teksista kanto”). [Laŭ interreta informo de l’ 27.05.04 de la Instituto Heinrich Heine, Düsseldorf, s-ino Marianne Tilch.] |
| 1) aŭ: Kie frue rompatas ĉiu flor’, |
| 2) aŭ: Morttukon, ni teksas por vi, Germani’, \\Trioblan malbenon enteksas ni. |