| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Manfred Retzlaff | Studenta kanto | Esperanto | 2007-03-20 | Arg-767-389 | 2007-03-23 11:43 Manfred | nur tiun aldonu |
| N. N. 11 | * Studentenlied | Germana | Arg-765-389 | 2007-03-18 12:09 Manfred | nur tiun aldonu | |
| Ludwig Emil Meier | Vaga kanto | Esperanto | 1907 | Arg-766-389 | 2007-03-18 11:59 Manfred | nur tiun forigu |
N. N. 11, |
| tradukita de Ludwig Emil Meier |
| 1. L'antaŭtagmezon tutan mi |
| Studadis kun fervor', |
| Nun posttagmezon ĝojos en |
| Bierejo mia kor'! |
| Pli frue mi ne lasos ĝin, |
| Ol vokis la meznokto min. |
| Vivállerallál-lerállerallá, |
| Vivállerallállerallá! |
| 2. De l'viv' plej granda ĝojo jen |
| Do estas am' kaj vin', |
| De l'amatino ĉirkaŭpren' |
| Sentigas princo min! |
| Kaj ĉe hordea suko eĉ |
| Mi revas laŭ kronita reĝ'! |
| Vivállerallál-lerállerallá, |
| Vivállerallállerallá! |
| 3. Ja homo sen de am' inklin' |
| Nek vinon amantul' |
| Neniam amikigos min |
| Nek estos ajn karul'. |
| Similas vivo tia nur |
| Malbonan kampon sen kultur'! |
| Vivállerallál-lerállerallá, |
| Vivállerallállerallá! |
| 4. Jam ofte pensis mi, pro ĉiel'! |
| Ke de l'Kreinto do |
| Pri soifo estas la kamel' |
| Tre favorata, ho! |
| Barelon kiel ventro ĝi |
| Enhavas per naturmagi'! |
| Vivállerallál-lerállerallá, |
| Vivállerallállerallá! |
| 5. Ĉu - kien mia - scias vi - |
| Kompreno iris for? |
| Ebrie sentas preskaŭ mi, |
| Batadas mia kor'. |
| Okulo surda, muta naz', |
| Senvida lango - stranga kaz'! |
| Vivállerallál-lerállerallá, |
| Vivállerallállerallá! |
| 6. Ho, mastro, unu glason nur, |
| Enverŝu sen envi'! |
| La ŝuldon skribu al la mur', |
| Jen mia garanti': |
| Por la pruntita biero ĉi |
| Prezentas mian ĉapon mi! |
| Vivállerallál-lerállerallá, |
| Vivállerallállerallá! |
| Traduko de la Germana poemo "Studentenlied" de N. N. 11 en Esperanton de Ludwig Emil Meier (*1847-02-16 - †1919) en 1907. La originan germana-lingvan tekston de tiu ĉi kanto mi, Manfred Retzlaff, elprenis el la retejo de sinjoroFrank Petersohn http://ingeb.org/Lieder/ichhabde.html. Tie estas indikite, ke la dua kaj la tria strofoj estas antaŭ la jaro 1794 verkitaj de Joachim Perinet (1765-1816). Vidu ankaŭ: http://www.markomannia.org/index.php?target=liederbuchlied&liedid=284. La esperantigon mi trovis en la kant-libreto "Esperantista kantaro", kolekto unua: Germanaj kantoj popolaj kaj studentaj, Esperantigitaj de L. E. Meier, verkisto. La kantlibro estas eldonita en 1907 de la eldonejo Hans Theodor Hoffman, Berlin W 35, Steglitzer Straße 44. (Sur la paĝoj 9 kaj 10 de tiu kant-libreto estas intershanĝitaj la strofoj 3 kaj 4, kompare al la origina germana teksto. Mi re-interŝanĝis tiujn.) La melodio de la kanto estas indikita en ambaŭ retejoj en formo de midi-dosiero. |