| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Matthias Claudius | * Abendlied | Germana | Arg-776-394 | 2012-12-24 20:31 Manfred | nur tiun aldonu | |
| Adolf Burkhardt | Vespera kanto | Esperanto | Arg-780-394 | 2007-03-27 19:07 Manfred | nur tiun aldonu | |
| Joachim Gießner | Vespera kanto | Esperanto | Arg-782-394 | 2007-03-28 09:55 Manfred | nur tiun aldonu | |
| Manfred Retzlaff | Vespera kanto | Esperanto | 1989-09-10 | Arg-777-394 | MR-013-2 | 2007-03-26 13:19 Manfred | nur tiun aldonu |
| Otto Bonte | Vespera kanto | Esperanto | Arg-779-394 | 2007-03-26 22:31 Manfred | nur tiun aldonu | |
| Guido Holz | Vespera kanto | Esperanto | Arg-778-394 | 2007-03-26 12:53 Manfred | nur tiun forigu |
Matthias Claudius, |
| tradukita de Guido Holz |
| 1. La luno nun ekhelas, |
| Steletoj oraj belas |
| En la ĉiela klar'; |
| L'arbaro nigra revas, |
| Kaj el herbejo levas |
| Mirige sin nebula mar'. |
| 2. Silenta estas mondo |
| Kaj en krepuska rondo |
| Hejmecas kun favor'! |
| Similas kalman ĉelon, |
| En kiu vi kverelon |
| De l'tago dorme pelu for. |
| 3. Ĉu vi la lunon konas? |
| Aspekto nur duonas, |
| Sed rondas ĝi en bel'. |
| Do ankaŭ estas multo, |
| Loganta al insulto, |
| Okulojn ĝenas la malhel'. |
| 4. Ni homoj tiel vantaj |
| Ja estas nur pekantaj, |
| Malvasta nia sci'; |
| Ĥimerojn ni eltrikas, |
| Ni multe artifikas |
| Kaj perdas celon pli kaj pli. |
| 5. Vidigu, Dio, savon, |
| Pasem' ne veku ravon, |
| Ne ĝoju ni pro glor'! |
| Fariĝu malafektaj |
| Ni kaj al vi respektaj, |
| Infane gaju nia kor'! |
| 6. Vi gracu, sen ĉagreni |
| El mondo nin forpreni |
| Al fin' per milda mort'! |
| Kaj post forpren' fidele |
| Hejmigu nin ĉiele, |
| Sinjoro, Dio, nia fort'! |
| 7. Kuŝiĝu do kun pio |
| Vi en la nom' de Dio, |
| Jam fridas nokta vent'. |
| Per punoj, Di', ne ĝenu, |
| Per dolĉa dorm' nin benu, |
| Najbaron ankaŭ en turment'. |
| Traduko de la Germana poemo "Abendlied" de Matthias Claudius (*1740-08-15 - †1815-01-21) en Esperanton de Guido Holz (*1920 - †1989). Tiu ĉi traduko estas publikigita en 1984 en "Esperanto aktuell", la organo de Germana Esperanto-Asocio, sur la aldonaj "Flavaj paĝoj", sur paĝo 14 de la numero 6/984. Mi, Manfred Retzlaff, detajpis la tradukon el tiu, en 2007-03-26. Enigis la tradukon de Guido Holz la tiama redaktisto d-ro Dirk Willkommen. |