| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Heinrich Heine | * Buch der Lieder, Traumbilder VII | Germana | Arg-1399-695 | 2012-12-04 22:10 Manfred | nur tiun aldonu | |
| Manfred Retzlaff | Libro de la kantoj, Sonĝobildoj, VII | Esperanto | 1984 | Arg-1400-695 | MR-128-1 | 2012-12-04 16:28 Manfred | nur tiun forigu |
Heinrich Heine, |
| tradukita de Manfred Retzlaff |
| Vi havas la monon, ĝin donis jam mi. |
| Vi fia aĉul', ĉu hezitas vi? |
| Meznokto nun ege proksima jam estas, |
| Sed kie la fianĉineto nun restas? |
| Tremigaj aeroj bloviĝas al mi; |
| Ho, la fianĉineton, ĉu vidis ŝin vi? |
| Tre palaj maskoj formiĝas tie, |
| Grimacas rikane, kapjesas fie. |
| Nun diru, kia ĝi estas novaĵ', |
| Vi nigra ulaĉo en fajra vestaĵ'! |
| Sin ĵus Sia graca mostaĵ' anoncigis, |
| En sia drak-ĉaro sin alveturigis. |
| Ho, kion deziras, grizulo vi? |
| Kaj kio alpelas vin tien ĉi? |
| Silente li min alrigardas kor-vee, |
| Kaj reen li iras, kapskuas li nee. |
| Hurlete vostumas la vila aĉul', |
| Helverde glimetas la kata okul'. |
| Kun hirta hararo ulinoj hurlantas, |
| Lulkanton al mi nutristino ekkantas. |
| Nun ĉesu lulkanti, vi mam-nutristin', |
| Ne devas vi plu luldormigi min; |
| La geedziĝ-feston hodiaŭ mi festas |
| Kaj gastoj tre noblaj venantaj jen estas. |
| Alvenas galanta anar' de Satan', |
| Portanta la kapon en sia man'. |
| Vi pendumiluloj vestitaj enue, |
| La vento silentas, vi venas malfrue. |
| Jen la patrineto sur la balail', |
| Min benu ŝi, estas mi ja ŝia fil'; |
| Kun blanka vizaĝo ŝi donas la benon, |
| Kaj tremas la buŝo dirante amenon. |
| Dekdu muzikistoj vizitas min, |
| Poststumblas blinda la violonin'. |
| Jen arlekeno vestita bunt-jake, |
| Kun tombo-fosisto dorso-pake. |
| Dekdu monaĥinoj vidigas sin |
| Kaj ankaŭ strabanta fi-parigistin'. |
| Fikanton fajfas pastraĉoj ĉi tie |
| Laŭ la maniero de la eklezio. |
| Sinjor' brokantisto, kriaĉu ne vi. |
| Ne helpos ĝi vin en la purgatori'. |
| Hejtata estas la loko de l' veo |
| Per karn', per hom-ostoj kaj per oleo. |
| Vi strig-vizaĝul' kun akrida krur', |
| La ripo-klakadon, ĝin lasu vi nur. |
| Enstumblas kriplitaj floret-knabinetoj, |
| Surkapen falas kun siaj ĝibetoj. |
| La tuta infero nun estas ĉe mi |
| Kaj svarmas kaj bruas nun pli kaj pli. |
| Eksonas la valso infera! Kvieto! |
| Alvenos nun baldaŭ la karulineto. |
| Silentu nun aŭ foriĝaĉu tuj vi! |
| La propran vorton ne komprenas plu mi. - |
| Mi aŭdas rasladon kaj ĉaron mi vidas, |
| La kuiristin' al la pordo rapidas. |
| Ho venu al mi, mia karulin'! |
| Sinjoro pastoro, sidigu vin! |
| Bonvenon al vi, vi kunvosta pastro, |
| Volonte mi servas vin, mia mastro! |
| Tre palas kaj mutas la fianĉin'. |
| La pastro nun tuj geedzigos nin; |
| Per ega kotizo pagintas mi tion, |
| Por ŝin ekposedi ja riskis mi ĉion. |
| Malsupren ŝi sinkas nun ĉe mia flank'. |
| Ho kia ĝojeg'! Al Satan' mia dank'! |
| Ŝi kuŝas nun ĉe mia brusto ŝvelanta, |
| Braktenas mi ŝin kun volupto tremanta. |
| Tuŝetas nin ambaŭ harbukloj de or'; |
| Kaj frapas ĉe mia nun ŝia kor'. |
| Frapadas pro ve' kaj pro volupteco, |
| Ĉielen forŝvebas ni al la alteco. |
| La koroj naĝadas en la ĝojegec', |
| Jen alte ĉe Dio en la altec'; |
| Sed ni apartenas ja al la Satano, |
| Malbene metitas sur ni lia mano. |
| La fia filaĉ' de l' malhel' estas li, |
| Ludanta benantan pastraĉon por ni, |
| Blasfeme li preĝas el sanga libraĉo, |
| Malbeno nur estas ĝi, lia benaĉo. |
| Eksonas freneza krakad' kaj siblad', |
| Hurlado, muĝado kaj tondra bruad'; |
| Subite ekfulmas de lumo blueco, - |
| Kaj diris li: "Amen, en eterneco!" |
| Traduko de la Germana poemo "Buch der Lieder, Traumbilder VII" de Heinrich Heine (*1797-12-13 - †1856-02-17) en Esperanton de Manfred Retzlaff (*1938-11-04) en 1984. |