| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Heinrich Heine | * Der arme Peter | Germana | 1817-1821 | Arg-421-214 | 2004-03-15 00:01 Manfred | nur tiun aldonu |
| Manfredo Ratislavo | La mizera Petro | Esperanto | 1984 | Arg-422-214 | MR-120-1 | 2004-03-15 00:00 Manfred | nur tiun forigu |
Heinrich Heine, |
| tradukita de Manfredo Ratislavo |
| 1 |
| Dancante turnas ĝoje sin |
| Johan’ kaj Margareto. |
| Sed mutas Petro jen sen in’ |
| Kaj palas kiel kreto. |
| Nun festas tre pompe la paro ĉi |
| En la geedziĝ-ornamaĵo, |
| Sed Petro mordas la ungojn al si |
| Kaj iras en simpla vestaĵo. |
| La Petro parolas mallaŭte al si, |
| Aflikte rigardas ĉion: |
| Se estus ja ne raciema mi, |
| Mi farus al mi ion. |
| 2 |
| »En mia brusto sidas ve’, |
| Ĝi volas min disigi: |
| Elteni ĝin mi povos ne, |
| Ĝi volas min mortigi. |
| Pelata al la karulin’ |
| Mi estas kun espero; |
| Sed kiam mi ekvidas ŝin, |
| Forpelas min sufero. |
| Ĝis monto-supro iras mi, |
| Sur kiu homoj foras; |
| En la solec’ pro emoci’ |
| Malĝoje mi ekploras.« |
| 3 |
| Mizera Petro iras jen |
| Tre lante, pala pro ĉagren’; |
| La homoj, kiuj vidas lin, |
| Surstrate eĉ haltigas sin. |
| Knabinoj flustras inter si: |
| »Eliris el la tombo li.« |
| Aĥ ne, fraŭlinoj karaj vi, |
| Sin entombigos tiu ĉi. |
| Plej bona estas tio ĉi, |
| Ĉar sian inon perdis li, |
| En tombon li kuŝigu sin |
| Kaj dormu ĝis la monda fin’. |
| Traduko de la Germana poemo "Der arme Peter" de Heinrich Heine (*1797-12-13 - †1856-02-17) en Esperanton de Manfredo Ratislavo (Manfred Retzlaff, Stettiner Str. 16, D-59302 Oelde, Germanio, *1938-11-04) en 1984. La poemo troviĝas en la „Libro de la kantoj“, sekcio „Junaĝaj suferoj – romancoj“, n-ro IV. |